21 ივლისს, ნატოსა და ევროკავშირის საინფორმაციო ცენტრსა და კავკასიის საერთაშორისო უნივერსიტეტს შორის ურთიერთთანამშრომლობის მემორანდუმი გაფორმდა.
თანამშრომლობა ნატოსა და ევროკავშირის მიმართულებით ერთობლივ აქტივობებს, კონფერენციებსა და კვლევებს ითვალისწინებს, რომლებშიც აქტიურად ჩაერთვებიან სტუდენტები და აკადემიური პერსონალი.
ასევე, საინფორმაციო ცენტრი აქტიურად შეუწყობს ხელს კავკასიის საერთაშორისო უნივერსიტეტში მოქმედი ნატოსა და ევროკავშირის კვლევითი ცენტრის საქმიანობას.
მემორანდუმს ხელი ცენტრის დირექტორმა, თამარა წულეისკირმა და უნივერსიტეტის რექტორმა, კახაბერ კორძაიამ მოაწერეს.
ურთიერთთანამშრომლობის მემორანდუმის გაფორმებას უნივერსიტეტის ადმინისტრაცია, სტუდენტები და საინფორმაციო ცენტრის წარმომადგენლები ესწრებოდნენ.
The post ნატოსა და ევროკავშირის საინფორმაციო ცენტრსა და კავკასიის საერთაშორისო უნივერსიტეტს შორის მემორანდუმი გაფორმდა first appeared on ყველაფერი განათლებისთვის და განათლებიდან | edu.aris.ge.
