მიმდინარე წლის 20 ოქტომბერს გორის სახელმწიფო უნივერსიტეტის სტრატეგიული განვითარების საბჭოს თავმჯდომ წევრებმა, უნივერსიტეტის პერსონალს, განხილვის მიზნით, წარუდგინეს უნივერსიტეტის განახლებული მისიის პროექტი.
აღინიშნა, რომ მისიაში ცვლილებების შეტანა უკავშირდება ავტორიზაციის საბჭოს რეკომენდაციებსა და უნივერსიტეტის სტატუსის ცვლილებას. საბჭოს წევრებმა თხოვნით მიმართეს პერსონალის წარმომადგენლებს, რომ წარმოადგინონ მოსაზრებები და წინადადებები მისიის პროექტთან, მის გაუმჯობესებასთან დაკავშირებით.
ასევე, გორის სახელმწიფო უნივერსიტეტის სტრატეგიული განვითარების საბჭოს წევრებმა უნივერსიტეტის კურსდამთავრებულებს გააცნეს უნივერსიტეტის მისიაში შესატანი ცვლილებების მიზეზები და განახლებული მისიის პროექტი.
აღინიშნა, რომ მნიშვნელოვანია მისიის ფორმულირებაში ყველა დაინტერესებული მხარის, მათ შორის კურსდამთავრებულების მონაწილეობა. დასასრულს, საბჭოს წევრებმა გამოთქვეს მოლოდინი, რომ მისიის პროექტს გაეცნობა კურსდამთავრებულთა უფრო ფართო წრე და უნივერსიტეტი მიიღებს მოსაზრებებსა და წინადადებებს მათი მისიის ფორმულირებაში გათვალისწინების მიზნით.
The post გორის უნივერსიტეტის განახლებული მისიის პროექტი პერსონალს და კურსდამთავრებულებს წარუდგინეს first appeared on ყველაფერი განათლებისთვის და განათლებიდან | edu.aris.ge.
