კავკასიის საერთაშორისო უნივერსიტეტის მიერ ორგანიზებული „ქართული დიპლომატიის კვირეულის“ ფარგლებში, საჯარო შეხვედრა გაიმართა თემაზე: „დიპლომატიური კარიერის საფეხურები და მომავალ დიპლომატთა განვითარების პერსპექტივები“, რომელსაც საქართველოს საგარეო საქმეთა სამინისტროს ადამიანური რესურსების მართვის დეპარტამენტის პირველი კატეგორიის უფროსი სპეციალისტი, ნინო ჭაბაშვილი უძღვებოდა.
სპიკერმა საგარეო საქმეთა სამინისტროში, საელჩოებსა და საკონსულოებში დასაქმების პროცედურები და საკვალიფიკაციო მოთხოვნები განიხილა, ასევე ისაუბრა პრაქტიკისა და სტაჟირების შესაძლებლობებზე, შეხვედრის მეორე ნაწილი კი კითხვა-პასუხის ფორმატით წარიმართა.
შეხვედრის ფარგლებში, აუდიტორიას მიესალმნენ კავკასიის საერთაშორისო უნივერსიტეტის სოციალურ მეცნიერებათა ფაკულტეტის დეკანი ნანა ამირანაშვილი, დეკანის მოადგილე ეკატერინე ჭალაგანიძე და საერთაშორისო ურთიერთობების საბაკალავრო პროგრამის ხელმძღვანელი ალიკა გუჩუა. მათ სტუმარს მადლობა გადაუხადეს აქტიური თანამშრომლობისთვის და სტუდენტებს დიპლომატიურ სამსახურში დასაქმების მნიშვნელობაზე ესაუბრნენ.
The post CIU-ში თემაზე „დიპლომატიური კარიერის საფეხურები და მომავალ დიპლომატთა განვითარების პერსპექტივები“ შეხვედრა გაიმართა first appeared on ყველაფერი განათლებისთვის და განათლებიდან | edu.aris.ge.
