აკაკი წერეთლის სახელმწიფო უნივერსიტეტს ნიუპორტი ქუთაისის საერთაშორისო ასოციაციის თავმჯდომარე შირლი ეგლი და ასოციაციის ხაზინადარი, ნაიჯელ ჰოლეტი სტუმრობდნენ. მათ უნივერსიტეტის რექტორმა შალვა კირთაძემ, მოადგილესთან, ეკატერინე გაჩეჩილაძესთან და ინგლისური ფილოლოგიის მიმართულების წარმომადგენლებთან ერთად უმასპინძლა.
შეხვედრაზე ხელი მოეწერა ურთიერთანამშრომლობის მემორანდუმს აკაკი წერეთლის სახელმწიფო უნივერსიტეტსა და სამხრეთ უელსის უნივერსიტეტებს შორის. მემორანდუმის ფარგლებში აწსუ-ის სამ კურსდამთავრებულს საშუალება მიეცემა გაიაროს მაგისტრატურის სრული კურსი სამხრეთ უელსის უნივერსიტეტში სწავლის გადასახადის გარეშე.
ასევე დაიგეგმა სამხრეთ უელსის უნივერსიტეტის ტურიზმის სპეციალობის სტუდენტების ოთხკვირიანი ვიზიტი და სასწავლო პრაქტიკა ჩვენს უნივერსიტეტში მომავალ სასწავლო წელს.
The post აკაკი წერეთლის სახელმწიფო უნივერსიტეტსა და სამხრეთ უელსის უნივერსიტეტებს შორის მემორანდუმი გაფორმდა first appeared on ყველაფერი განათლებისთვის და განათლებიდან | edu.aris.ge.
