17 თებერვალს, 20:00 საათზე, კულტურის ცენტრში ”მუზა”, ილიას სახელმწიფო უნივერსიტეტისა და თბილისის თოჯინების სახელმწიფო თეატრის ერთობლივი ორგანიზებით, გაიმართება საქველმოქმედო სპექტაკლი ”ვიდრე უფლისწული თავს მოიკლავს”(16+).
ილიაუნის ცნობით, ბილეთის ფასია 5 ლარი. სპექტაკლიდან შემოსული მთელი თანხა გადაირიცხება 32 წლის მარი ბურდულის დასახმარებლად.
ასევე თანხის გადარიცხვა შესაძლებელია შემდეგ ბმულებზე: WeHelp.ge და gofundme.com.
როგორც ილიაუნიში განმარტავენ, მარი ილიას სახელმწიფო უნივერსიტეტის თანამშრომელია. ის 32 წლის არის და 3 მცირეწლოვანი შვილის დედაა. მარი ბურდულს დაუდგინდა ქოროიდალური მალიგნანტური მელანომა, რაც სასწრაფო მკურნალობას მოითხოვს ძვირადღირებული მედიკამენტებით.
ადგილმდებარეობა: კულტურის ცენტრი ”მუზა” (კუსტბის ქ. #2)