განათლებისა და მეცნიერების მინისტრი, გიორგი ამილახვარი მასწავლებლებს მასწავლებლის ეროვნულ დღეს ულოცავს.
“27 ოქტომბერი – მასწავლებლის ეროვნული დღეა!
ძვირფასო პედაგოგებო, გილოცავთ ამ უმნიშვნელოვანეს თარიღს და მთელი გულით წარმატებებსა და წინსვლას გისურვებთ!
მადლობა მინდა, გითხრათ თითოეულ თქვენგანს თავდაუზოგავი შრომისა და პროფესიონალიზმისთვის. თქვენ ხომ ასე ერთგულად ემსახურებით საქვეყნო მნიშვნელობის საქმეს!
კიდევ ერთხელ, მინდა, დაგიდასტუროთ უდიდესი პატივისცემა და ურყევი მხარდაჭერა. მე ყოველთვის ვიდგები თქვენს გვერდით და ყველაფერს გავაკეთებ მასწავლებლების შრომის ღირსეულად დაფასებისთვის”, – წერს გიორგი ამილახვარი მილოცვაში.
განათლების სამინისტროს ინფორმაციით, აღნიშნულ თარიღთან დაკავშირებით დღეს – 27 ოქტომბერს, 20:00 საათზე თბილისის ზაქარია ფალიაშვილის სახელობის სახელმწიფო ოპერისა და ბალეტის თეატრში მასწავლებლის ეროვნული პრემიის დაჯილდოების ცერემონია გაიმართება.
The post განათლების მინისტრი პედაგოგებს მასწავლებლის ეროვნულ დღეს ულოცავს first appeared on ყველაფერი განათლებისთვის და განათლებიდან | edu.aris.ge.
