განათლების მართვის საინფორმაციო სისტემის (EMIS) ინფორმაციით, მასწავლებლებს სასკოლო ჟურნალში მუშაობის შესაძლებლობა 1 დღით გაუხანგრძლივდათ.
EMIS-ი მასწავლებლებს დისკომფორტისთვის ბოდიშს უხდის და განმარტავს, რომ 14 იანვარს ელექტრონულ ჟურნალში კორექტირების შეტანა უკვე შეუძლებელი იქნება და იმოქმედებს მხოლოდ ნიშნის კორექტირების მოთხოვნა.
“ელექტრონულ ჟურნალში დასრულებულია სისტემის განახლება. 7 იანვრის მდგომარეობით ასახულია მონაცემები. გამომდინარე იქიდან, რომ ჟურნალში 11 იანვრის დღის განმავლობაში მიმდინარეობდა სისტემური განახლება, ნაცვლად 12 იანვრისა, ჟურნალში მუშაობის შესაძლებლობა გექნებათ 13 იანვრის ჩათვლით. 14 იანვარს ვეღარ შეძლებთ ჟურნალში კორექტირების შეტანას, შესაძლებელი იქნება მხოლოდ სემესტრული ნიშნის კორექტირების მოთხოვნა”, – აღნიშნულია 11 იანვრის გვიან საღამოს გამოქვეყნებულ ინფორმაციაში.
The post ვადა გახანგრძლივდა – სასკოლო ჟურნალში მუშაობის შესაძლებლობა 13 იანვრის ჩათვლით დაუშვეს first appeared on ყველაფერი განათლებისთვის და განათლებიდან | edu.aris.ge.
