აკაკი წერეთლის სახელმწიფო უნივერსიტეტის ჰუმანიტარულ მეცნიერებათა ფაკულტეტის ქართული ფილოლოგიის დეპარტამენტის პროფესორი, ფილოლოგიის დოქტორი, რუსუდან საღინაძე ქართული ენის დაცვა-განვითარებაში შეტანილი წვლილისთვის დაჯილდოვდა.
შესაბამისი სიგელი მას საქართველოს განათლების, მეცნიერებისა და ახალგაზრდობის სამინისტროსა და სსიპ შოთა რუსთაველის საქართველოს ეროვნული სამეცნიერო ფონდის ორგანიზებით გამართულ ქართული ენის დღისადმი მიძღვნილ საზეიმო ღონისძიებაზე გადაეცა.
ქართული ენის დაცვა-განვითარებაში შეტანილი წვლილისთვის მეცნიერები – ფილოლოგები, ენათმეცნიერები საქართველოს განათლების, მეცნიერებისა და ახალგაზრდობის მინისტრის მოადგილემ და ფონდის გენერალურმა დირექტორმა დააჯილდოვა.
აკაკი წერეთლის სახელმწიფო უნივერსიტეტი ულოცავს ქალბატონ რუსუდანს ამ აღიარებას.
The post აწსუ-ის პროფესორი რუსუდან საღინაძე ქართული ენის დაცვა-განვითარებაში შეტანილი წვლილისთვის დაჯილდოვდა first appeared on ყველაფერი განათლებისთვის და განათლებიდან | edu.aris.ge.
