მიმდინარე წლის 29 ივლისს გორის სახელმწიფო უნივერსიტეტს ეწვია თბილისის იუნუს ემრეს სახელობის ინსტიტუტის კოორდინატორი, ბატონი ზექერია გულთექინი. შეხვედრა გაიმართა გორის უნივერსიტეტის რექტორ, პროფესორ ალექსანდრე მღებრიშვილთან, სადაც განიხილეს გორის უნივერსიტეტსა და იუნუს ემრეს სახელობის ინსტიტუტს შორის არსებული თანამშრომლობის შედეგები, საქმიანი ურთიერთობები, მათი შემდგომი განვითარების გეგმები და პერსპექტივები.
შეხვედრას ესწრებოდნენ გორის სახელმწიფო უნივერსიტეტის ჰუმანიტარულ მეცნიერებათა ფაკულტეტის დეკანი, ასოცირებული პროფესორი ქეთევან ბარბაქაძე და საერთაშორისო ურთიერთობების სამსახურის უფროსი ზურაბ ზურაბაშვილი.
