27 თებერვალს, “ევროპის უნივერსიტეტის” სამართლის ფაკულტეტის სტუდენტები ადამიანის უფლებათა ევროპული სასამართლოს მოსამართლეს ლადო ჭანტურიას და იურისტ ნინო ხაინდრავას შეხვდნენ.
ნინო ხაინდრავამ სტუდენტებთან ადამიანის უფლებათა ევროპული სასამართლოს ისტორიაზე, სტრუქტურაზე და მის სპეციფიკაზე ისაუბრა და აუხსნა მათ თუ როგორ ხდება საქმის მიღება სტრასბურგის სასამართლოში და როგორ წარიმართება სამართლებრივი პროცესები.
მოსამართლე ლადო ჭანტურიამ სტუდენტებს საკუთარი გამოცდილება გაუზიარა. მან გაიხსენა ის საინტერესო გადაწყვეტილებები და საქმეები, რომლებიც მას კარიერის განმავლობაში შეხვედრია. ასევე მან ისაუბრა ადამიანის უფლებათა ევროპული სასამართლოს სტრუქტურაზე და აუხსნა სტუდენტებს თუ როგორ მუშაობს სტრასბურგის სასამართლოს სხვადასხვა ორგანოები.
შეხვედრა სრულად ინტერაქციულ რეჟიმში წარიმართა და სტუდენტებმა მათთვის საინტერესო შეკითხვებზე მიიღეს პასუხები.
