კავკასიის საერთაშორისო უნივერსიტეტის ფუტსალის გუნდს ოქროს მედლებისა და მეორე საჩემპიონო ტიტულის მოსაპოვებლად მხოლოდ ერთი გამარჯვება დარჩა. ფინალური სერიის დაპირისპირებაში CIU-მ კვლავ დაამარცხა ნიუ ვიჟენ ჯორჯიანსი და სერიაში წინ გავიდა. წინა მატჩში განცდილი მარცხის შემდეგ, კავკასიელებმა სრულფასოვანი რევანში აიღეს და მეტოქე 5:2 დაამარცხეს.
საჩემპიონო სერიის მომდევნო შეხვედრა 13 ივნისს, 18:00 საათზე, ახალ სპორტის სასახლეში გაიმართება. გამარჯვების შემთხვევაში CIU-ს გუნდი საქართველოს ჩემპიონის ტიტულსა და ევროპის ჩემპიონთა ლიგის საგზურის მოპოვებას იზეიმებს.
გულშემატკივრები თამაშზე დასასწრებად უნივერსიტეტის მთავარ კორპუსში 16:00 საათზე იკრიბებიან.