ალტე უნივერსიტეტში გაიმართა მასწავლებლის ეროვნული ჯილდოს 2025 წლის კონფერენცია, რომელზეც საუკეთესო ათეულში მყოფმა მასწავლებლებმა ჟიურის წინაშე პრეზენტაციები წარადგინეს.
პრეზენტაციები კონკურსის მონაწილეების პედაგოგიურ პრაქტიკას შეეხებოდა.
ალტე უნივერსიტეტი უკვე მესამე წელია, რაც მასწავლებლის ეროვნული ჯილდოს პარტნიორია.
კონკურსი მიზნად საქართველოში მასწავლებლის პროფესიის პრესტიჟის ზრდას, წარმატებული მასწავლებლების გამოვლენასა და საზოგადოებისათვის მათ წარდგენას ისახავს.
