15 ოქტომბერს, „ევროპის უნივერსიტეტში“, „ერაზმუს+“ KA171 საერთაშორისო თანამშრომლობის ფარგლებში, ლატვიის ალბერტას კოლეჯის წარმომადგენლებმა საჯარო ლექციები გამართეს.
უნივერსიტეტის მიერ 16 ოქტომბერს გამოქვეყნებული ინფორმაციით, ლიგა სილენიეცე უძღვებოდა ლექციას თემაზე: „მწვანე ბიზნესის ტრანზიცია მცირე და საშუალო საწარმოებისთვის“. ლექტორმა დეტალურად ისაუბრა მომხმარებელსა და მიმწოდებელს შორის მოლაპარაკებების დინამიკაზე, რომლებიც მწვანე ტრანზიციის პროცესს უკავშირდება.
პროფესორმა, ილზე კრუმინასამ კი თემაზე: „აღმოაჩინე ინფლუენსერ მარკეტინგის ძალა“ ისაუბრა. ლექციის ფარგლებში, პროფესორმა დეტალურად მიმოიხილა ინფლუენსერ მარკეტინგის არსი და მისი გავლენა ბრენდების ცნობადობის ამაღლებაზე თანამედროვე მარკეტინგული გარემოს კონტექსტში. ამასთან, მომხსენებელმა ისაუბრა თანამედროვე ბიზნეს-ეკოსისტემაში ინფლუენსერ მარკეტინგის ისეთ ასპექტებზე, როგორებიცაა კრეატიულობა, მონაცემთა ანალიზის მნიშვნელობა და სამართლებრივი პასუხისმგებლობა.
