ალტე უნივერსიტეტში, საქართველოს ბანკისა და კომაროვის სკოლის ერთობლივი საგანმანათლებლო პროექტის – STEM სკოლის კურსდამთავრებულების დაჯილდოების ცერემონია გაიმართა.
უნივერსიტეტის მიერ 17 ოქტომბერს გამოქვეყნებული ინფორმაციით, ღონისძიების ფარგლებში, 2024 წლის შემოდგომის სემესტრის მესამე მოდულის კურსდამთავრებულებს სერტიფიკატები გადაეცათ.
აღნიშნული ინიციატივა 2023 წლიდან ხორციელდება და მის ფარგლებში სერტიფიკატი უკვე 1 000-ზე მეტ მოსწავლეს მიენიჭა.
ალტე უნივერსიტეტი STEM სკოლის მხარდამჭერია და პროექტის სხვა ღონისძიებებშიც აქტიურად არის ჩართული. პროექტი მიზნად ისახავს მოსწავლეებში საბუნებისმეტყველო მეცნიერებების, ტექნოლოგიების, ინჟინერიისა და მათემატიკისადმი ინტერესის გაღვივებას და ამ მიმართულებებში მათი უნარების განვითარებას.
„ალტე უნივერსიტეტი მუდმივად უჭერს მხარს ისეთ პროექტებს, რომლებიც მოსწავლეებს სთავაზობს ახალ შესაძლებლობებს განათლებისა და ინოვაციების სამყაროში.
ვულოცავთ თითოეულ მონაწილეს და ვუსურვებთ წარმატებებს მეცნიერებისა და ახალი აღმოჩენების გზაზე!“ – აცხადებენ უნივერსიტეტში.
