2019 წლის ერთიანი ეროვნული გამოცდების აბიტურიენტთა ზოგადი უნარების გამოცდის შედეგები უკვე გამოქვეყნდა.

ცნობილი გახდა ისიც, რომ წელს უნარებში მაქსიმალური 80 ქულა ვერცერთმა აბიტურიენტმა ვერ დააგროვა და 79 ქულა მხოლოდ ორმა მიიღო.

ვარიენტების მიხედვით მაღალ ქულათა მიღების მონაცემები ასეთია:

პირველ ვარიანტში 77 ქულა სულ 4-მა აბიტურიენტმა მოიპოვა.

მეორე ვარიანტში 78 წულა მიიღო 5-მა აბიტურიენტმა.

მესამე და მეოთხე ვარიანტში კი მაქსიმალური 79 ქულა თითო-თითო აბიტურიენტმა მიიღო.

რაც შეეხება სხვა ქულების სიხშირეთა განაწილებას ვარიანტების მიხედვით, ის ასე გამოიყურება:

2019 წლის ზოგადი უნარების გამოცდაში აბიტურიენტების 13% ჩაიჭრა

ზოგადი უნარების შედეგები გამოქვეყნდა – გამოცდები 2019

2019 წლის ზოგადი უნარების გამოცდის I და III ვარიანტებში გამსვლელმა ქულამ დაიწია

2019 წლის აბიტურიენტებთან ერთად, მასწავლებლებიც მოუთმენლად ელიან თავიანთი გამოცდების შედეგებს.

EDU.ARIS.GE-ს კითხვაზე, როდის ეცოდინებათ მასწავლებლებს გამოცდების შედეგები, შეფასებისა და გამოცდების ეროვნულმა ცენტრის ხელმძღვანელმა სოფო გორგოძემ განაცხადა, რომ გასწორების პროცესი მიმდინარეობს აბიტურიენტებისა და მაგისტრანტების ნაშრომების პარალელურად და შედეგები, სავარაუდოდ, აგვისტოს ბოლოს, სექტემბრის დასაწყისში გახდება ცნობილი.

„პარალელურად მიმდინარეობს ნაშრომების გასწორების პროცესი მასწავლებლებისთვის, ნაშრომების რაოდენობა არის ძალიან დიდი, თითქმის ორმაგია წინა წლებთან შედარებით. ამიტომ, ჩვენ ვფიქრობთ, რომ სადღაც აგვისტოს ბოლოს, სექტემბრის დასაწყისში გვექნება საბოლოოდ მასწავლებლების შედეგები“, – განაცხადა სოფო გორგოძემ.

დღეს შეფასებისა და გამოცდების ეროვნულმა ცენტრმა აბიტურიენტების ზოგადი უნარების ტესტის შედეგები გამოაქვეყნა.

მოამზადა ანუკი წიწილაშვილმა

31 ივლისს, მასწავლებელთა პროფესიული განვითარების ეროვნულ ცენტრში ჩატარდა სამუშაო შეხვედრა „შეფასება განათლებაში“. შეხვედრაზე განსაკუთრებული ყურადღება დაეთმო შემდეგ საკითხს – „ცოდნა და ღირებულებითი განათლება (VAKE), დილემებით სწავლება“. სამუშაო შეხვედრას უძღვებოდა ზალცბურგის უნივერსიტეტის ემირიტუს პროფესორი, ჟან ლუკ პატრი. ღონისძიება ERASMUS + პროექტის – კურიკულუმის რეფორმა სამოქალაქო განათლებისა და დემოკრატიული პრინციპების ხელშესაწყობის (CURE) ფარგლებში, მასწავლებელთა პროფესიული განვითარების ეროვნული ცენტრისა და ილიას სახელმწიფო უნივერსიტეტის განათლების სკოლის ორგანიზებით გაიმართა. სამუშაო შეხვედრაში მონაწილეობა მიიღეს მასწავლებელთა პროფესიული განვითარების ეროვნული ცენტრის ტრენერებმა, სკოლების მასწავლებლებმა და დირექტორებმა.

ემერიტუსი ჟან ლუკ პატრი: „სამუშაო შეხვედრა ინტენსიური კითხვა-პასუხის რეჟიმში წარიმართა. ვფიქრობ, რომ ყველა ქვეყანას თავისი საჭიროებები აქვს, აქედან გამომდინარე, შეხვედრის დროს კონკრეტულ ამოცანებზე დაყრდნობით ვიმუშავეთ. მნიშვნელოვანია, რომ ასეთი ტრენინგის დროს მოხერხდეს არა მხოლოდ ინფორმაციის მიწოდება, არამედ მონაწილეების იდეების მოსმენა და იმის დადგენა, რა მიმართულებით უნდა განვაგრძოთ მუშაობა სამომავლოდ. შეხვედრა დაფუძნებული უნდა იყოს მეცნიერულ გამოცდილებაზე, და არა სპონტანურ იდეებზე, შესაბამისად, სამუშაო შეხვედრაზე ჩვენი მთავარი მიზანი იყო, პრაქტიკული მეთოდოლოგიების მიმართულებით, მეტი მეცნიერული გამოცდილების ჩვენება.“

„მოგეხსენებათ, რომ განათლებაში შეფასების კომპონენტზე მუშაობა ერთ-ერთ მთავარ გამოწვევად რჩება. სამუშაო შეხვედრაზე მივიღეთ არამხოლოდ თეორიული ცოდნა, არამედ, პრაქტიკული ინსტრუმენტებიც, რომელთა მეშვეობით უფრო მარტივად შევძლებთ სკოლებში, ჩვენს კოლეგებთან ერთად, მიღებული ცოდნა გავიაზროთ და, ჩვენი საჭიროებებიდან გამოდინარე, დავნერგოთ შეფასების ახალი მეთოდები და მიდგომები,“ – განაცხადა სამუშაო შეხვედრის მონაწილემ, 105-ე საჯარო სკოლის დირექტორმა, სოფო ხვედელიძემ.

„მასწავლებელთა პროფესიული განვითარების ეროვნული ცენტრი აქტიურად ცდილობს, მასწავლებელთა პროფესიული განვითარების მიმართულებით დაგეგმილ საქმიანობაში მუდმივად იყოს გათვალისწინებული წარმატებული საერთაშორისო გამოცდილება. ვცდილობთ, გავაცნოთ პედაგოგებს, სასკოლო საზოგადოების წარმომადგენლებს საერთაშორისოდ გამოცდილი და აპრობირებული მიდგომები, ინსტრუმენტები, მეთოდები. ვეხმარებით მასწავლებლებს ამ მიდგომების ჩვენი საჭიროებების მიხედვით ადაპტირებაში. გარდა ამისა, ცენტრი აქტიურად თანამშრომლობს უნივერსიტეტებთან, აკადემიური სფეროს წარმომადგენლებთან. სწორედ ამ თანამშრომლობის ფარგლებში შედგა სამუშაო შეხვედრა ზალცბურგის უნივერსიტეტის ემერიტუს პროფესორთან, ბატონ ჟან ლუკ პატრისთან. ვიმედოვნებთ, რომ სამუშაო შეხვედრის მონაწილეები აქტიურად გამოიყენებენ შეხვედრაზე მიღებულ ინფორმაციას და ამით გაამდიდრებენ როგორც თავიანთ, ასევე, კოლეგების პრაქტიკულ საქმიანობას“ – განაცხადა ნათია ნაცვლიშვილმა, მასწავლებელთა პროფესიული განვითარების ეროვნული ცენტრის წარმომადგენელმა.

თბილისის სპორტის სასახლეში ივანე ჯავახიშვილის სახელობის თბილისის სახელმწიფო უნივერსიტეტის ბაკალავრიატის 2019 წლის კურსდამთავრებულთა გამოშვების მასშტაბური საზეიმო ღონისძიება გაიმართა.

ღონისძიება დილიდან თსუ-ის პირველი კორპუსის ეზოში დაიწყო და ძირითადი ღონისძიებით სპორტის სასახლეში გაგრძელდა. კურსდამთავრებულებს სწავლის დამთავრება უნივერსიტეტის რექტორმა გიორგი შარვაშიძემ მიულოცა და აღნიშნა, რომ უნივერსიტეტი დღემდე ინარჩუნებს წამყვან პოზიციებს რეგიონში, რაზეც მისი კურსდამთავრებულების რიცხვი და წარმატებები მეტყველებს.

„წარმატება მინდა ვუსურვო პირველ რიგში ყველა კურსდამთავრებულს. პირველი ნაბიჯები დამოუკიდებელ ცხოვრებაში ძალიან მნიშვნელოვანია. წელს თბილისის სახელმწიფო უნივერსიტეტი 2700-ზე მეტმა სტუდენტმა დაამთავრა. თბილისის სახელმწიფო უნივერსიტეტი არის წამყვანი უნივერსიტეტი რეგიონში და თსუ-ელი რომ ხარ რაღაცას ნიშნავს. ნიშნავს, რომ მარტო არ ხარ და ხარ დიდი ოჯახის წევრი, ამიტომ წარმატებას ვუსურვებ ყველა სტუდენტს. დარწმუნებული ვარ, ბევრი მათგანი მაგისტრატურაშიც გააგრძელებს სწავლას და დოქტურანტურაშიც, ჩვენი კარი ყოველთვის ღიაა მათთვის“, – განაცხადა გიორგი შარვაშიძემ.

კურსდამთავრებულებს სწავლის დამთავრება საქართველოს განათლების, მეცნიერების, კულტურის და სპორტის მინისტრის მოადგილე ირინა აბულაძემ,  საქართველოს პარლამენტის განათლების, მეცნიერებისა და კულტურის კომიტეტის თავმჯდომარე მარიამ ჯაშმა, აკადემიური საბჭოს წევრებმა და ფაკულტეტების დეკანებმა  მიულოცეს.

„განსაკუთრებული პასუხისმგებლობაა, რომ ხარ საქართველოში ყველაზე მნიშვნელოვანი უნივერსიტეტის კურსდამთავრებული. მისასალმებელია, რომ თსუ მსოფლიო უნივერსიტეტების რეიტინგში საუკეთესო უნივერიტეტების 2% -შია, დარწმუნებული ვარ, გაგრძელდება გზა რეფორმებით და იმ ახალი სტანდარტების დანერგვით, რომელიც ჩვენ ევროპასთან დაგვაახლოებს”, – განაცხადა მარიამ ჯაშმა.

ფაკულტეტების ყველაზე მაღალრეიტინგულ კურსდამთავრებულებს სპეციალური სერტიფიკატები და სამახსოვრო საჩუქრები უნივერსიტეტის რექტორმა და დეკანებმა გადასცეს.

“ეს 4 წელი, რაც ჯავახიშვილში გავატარე ჩემთვის ნამდვილად დიდი გამოცდილება და თავგადასავალიც იყო. თავიდან მართლა ვერ ვიფიქრებდი, თუ გამოსაშვებ საღამოზე, როგორც ერთ-ერთი მაღალრეიტინგული სტუდენტი ასე გამოვიდოდი. ზუსტ და საბუნებისმეტყველო მეცნიერებათა ფაკულტეტი დავასრულე, გამოყენებითი ბიომეცნიერებები და ბიოტექნოლოგიების მიმართულებით.

დიდი პრაქტიკული თუ თეორიული გამოცდილება მივიღე უნივერსიტეტში, გავიცანი ძალიან ბევრი საინტერესო ადამიანი, მყავდა არაჩვეულებრივი ლექტორები, რომელთაც არა მარტო ჩემს პროფესიულ ზრდას შეუწყვეს ხელი, არამედ ჩემს პიროვნულ განვითარებასაც. უნივერსიტეტს ვუსურვებ შეინარჩუნოს ის წამყვანი პოზიციები, რაც აქვს ჩვენს რეგიონში, მომავალ სტუდენტებს კი ვურჩევ უყოყმანოდ აირჩიონ ეს უნივერსიტეტი”,  –  გვითხრა ერთ-ერთმა მაღალრეიტიგულმა სტუდენტმა მარიამ მაჭარშვილმა.

ბაკალავრების გამოსაშვები დღის დასკვნითი ღონისძიება კუს ტბაზე გაიმართა. საღამოზე კურსდამთავრებულებისთვის და თსუ სტუდენტებისთვის კონცერტი სტეფანემ და Dj-ებმა Giorgio  Burduli, Frankie Beatnik, Levi Love Disco გამართეს.

ივანე ჯავახიშვილის სახელობის თბილისის სახელმწიფო უნივერსიტეტი 1918 წელს დაარსდა. უნივერსიტეტის პირველი გამოშვება სიბრძნისმეტყველების ფაკულტეტმა 1922 წელს აღნიშნა.

დღეს, თბილისის სახელმწიფო უნივერსიტეტი ქვეყნის უმნიშვნელოვანესი სასწავლო და სამეცნიერო–კვლევითი დაწესებულებაა, სადაც ყოველწლიურად 200–მდე ადგილობრივი და საერთაშორისო მასშტაბის სამეცნიერო საგრანტო პროექტი ხორციელდება; 22 ათასამდე სტუდენტი, მათ შორის 600-მდე უცხოელი სწავლობს და რომელიც 2019 წლის საერთაშორისო რეიტინგის მიხედვით მსოფლიოს საუკეთესო უნივერსიტეტების 2%-ში შედის. (The U.S.News&World Report).

თსუ-ის 7 ფაკულტეტზე 200-ზე მეტი სასწავლო პროგრამა მოქმედებს და 20 ათასზე მეტი სტუდენტი სწავლობს.

ივანე ჯავახიშვილის სახელობის თბილისის სახელმწიფო უნივერსიტეტი 2019-2020 სასწავლო წელს 5300-ზე მეტ პირველკურსელს მიიღებს, მათ შორის 500-ზე მეტი აბიტურიენტი ქართულ ენაში მომზადების საგანმანათლებლო პროგრამაზე ჩაირიცხება.

თბილისის სახელმწიფო უნივერსიტეტი

2019 წლის ერთიანი ეროვნულ გამოცდებზე ჩაბარებული ქართული ენისა და ლიტერატურის გამოცდის ტესტების შედეგები გამოქვეყნდა. შედეგების ნახვა აბიტურიენტებს როგორც ვებგვერდის, ისე SMS-ის საშუალებითაც შეუძლიათ. სისტემაში შესასვლელად აპლიკანტმა შესაბამის ველში უნდა მიუთითოს პირადი ნომერი და საიდენტიფიკაციო ნომერი. შედეგებთან ერთად იქნება განთავსებული აბიტურიენტის ნაშრომის ასლი და მიღებული ქულა.

იხილეთ შ ე დ ე გ ე ბ ი

რაც შეეხება მოკლეტექსტური შეტყობინებით ქულის გაგებას, აბიტურიენტმა მობილური ტელეფონიდან (მაგთი, ჯეოსელი) საკუთარი საიდენტიფიკაციო კოდი (ბარათზე მითითებული ცხრა ნიშნა რიცხვი) უნდა გაგზავნოს ნომერზე 93 333 (საფასური 50 თეთრი ჩამოიჭრება ანგარიშიდან).

დანარჩენი გამოცდების შედეგების გამოქვეყნება ეტაპობრივად მოხდება. გამოცდების ეროვნული ცენტრის ხელმძღვანელის ცნობით, შედეგები შემდეგი კვირის ბოლომდე ვებგვერდზე სრულად დაიდება.

განახლებადი ინფორმაცია გამოცდების შესახებ

2019 წლის ზოგადი უნარების ეროვნულ გამოცდაზე მაქსიმალური 79 ქულა ქუთაისელმა ნუცა ცირეკიძემ დააგროვა. წელს სულ 2 უმაღლესი ქულა დაიწერა და ერთ-ერთი 79 ქულის მფლობელი სწორედ ნუცაა, რომელიც EDU.ARIS.GE-მ ქუთაისში იპოვა.

ნუცამ ქუთაისის N9 საჯარო სკოლა დაასრულა, არჩევანი ბიოქიმიის ფაკულტეტზე შეაჩერა. თვლის, რომ გასულ წლებთან შედარებით წელს რთული ტესტები იყო, მაგრამ 1 წელი რეპეტიტორთან ემზადებოდა და მაღალი შედეგის მიღების იმედი ჰქონდა.

„ქალაქგარეთ ვარ, როდესაც ქულას ვამოწმებდი ჩემს ანგარიშზე შესვლა გამიჭირდა და ძალიან ვინერვიულე. მოგვიანებით კი აღმოვაჩინე, რომ უმაღლესი შედეგი ავიღე. რა თქმა უნდა, უდიდეს ემოციებში ვარ“, – გვითხრა ნუცამ.

ესეც მისი შედეგი:

მოამზადა ჟუკა ბანძელაძემ

2019 წლის ერთიან ეროვნულ გამოცდებზე ქართული ენისა და ლიტერატურის გამოცდაზე გამოყენებული ტესტების შეფასების სქემა გამოქვეყნდა.

იხილეთ ქართული ენისა და ლიტერატურის ტესტები შეფასების სქემა

ქართულის გამოცდის შედეგები დღეს გახდა ცნობილი. აღნიშნული საგნის გამოცდის სტატისტიკური ანალიზი აპელაციის დასრულების შემდეგ გამოქვეყნდება. დანარჩენი გამოცდების შედეგების გამოქვეყნება ეტაპობრივად მოხდება. გამოცდების ეროვნული ცენტრის ხელმძღვანელის ცნობით, შედეგები შემდეგი კვირის ბოლომდე ვებგვერდზე სრულად დაიდება, ხოლო  სტატისტიკური ანალიზი ვებგვერდზე აპელაციის შედეგების გამოქვეყნების შემდეგ განთავსდება.

რაც შეეხება აპელაციას, ეს პროცესი მას შემდეგ დაიწყება რაც ყველა საგნის ქულა გამოქვეყნდება. სააპელაციო განაცხადების მიღება ელექტრონულად იქნება შესაძლებელი გამოცდების ცენტრის ოფიციალური გვერდიდან. აპელაციის საფასური 50 ლარია.

განახლებადი ინფორმაცია გამოცდების შესახებ

ერთიანი ეროვნული გამოცდებიდან ამჯერად ქართულის შედეგები გამოქვეყნდა. ჯერ-ჯერობით ცნობილი არაა, რამდენმა აბიტურიენტმა აიღო უმაღლესი, 70 ქულა, მაგრამ EDU.ARIS.GE-მ გაარკვია, რომ ანამარია ქორიძე ერთ-ერთია (თუ არა ერთადერთი), რომელმაც ქართული ენის და ლიტერატურის გამოცდაზე 70 ქულა აიღო.

ანამარია ამბობს, რომ ტესტი ცუდად არ დაუწერია, თუმცა ამხელა შედეგს არ ელოდა.

„ვფიქრობდი, რომ 60 ქულაზე მეტს ავიღებდი, მაგრამ ამდენს არ ველოდი ნამდვილად. არ ვიყავი დარწმუნებული, რამდენად სწორად წავიყვანე მსჯელობა, რამდენად ადეკვატური მაგალითები მოვიყვანე. ან გიმართლებს ან არა! მე მგონი, რომ ძალიან გამიმართლა. ძალიან კარგი თემები შემხვდა“, – აღნიშნა ანამარია ქორიძემ.

როგორც ის ამბობს, ძალიან მოეწონა ესეს თემა და მხატვრული ანალიზი გურამ დოჩანაშვილის მოთხრობიდან „საქმე“. ანამარია გვიყვება როგორ მივიდა ამ შედეგამდე.

„ესე მქონდა თავისუფლებაზე, რომ ჭეშმარიტი თავისუფლება შეუძლებელია დიდი პასუხისმგებლობისა და მოვალეობის შეგნების გარეშე. მე პირად პასუხისმგებლობასა და სახელმწიფოს პასუხისმგებლობაზე ერთობლივად გავამახვილე ყურადღება. თუ სახელმწიფო არ გიქმნის პირობას, ვერ იქნები თავისუფალი ვერც შინაგანად. თემა შემხვდა ნაწყვეტი გურამ დოჩანაშვილის მოთხრობიდან „საქმე“. კარგი ტექსტი იყო. მესამე ვარიანტი ვიყავი. 21-ე საჯარო სკოლაში ვსწავლოდი. პირველი მიწერია ილიას სახელმწიფო უნივერსიტეტის ხელოვნების და მეცნიერების ფაკულტეტი, მაგრამ აქ არ ვაბარებ. მივდივარ.

„ჩაბარებული მაქვს გერმანიაში, მარბურგის უნივერსიტეტში ლიტერატურათმცოდნეობის ფაკულტეტზე. ქართულში ვემზადებოდი ერთი წელი, ჩაგდებებით. გერმანულის გამოცდა მქონდა და რაღაც პერიოდი უბრალოდ ვერ ვიარე მასწავლებელთან. რეპეტიტორს დიდი დამსახურება მიუძღვის, რა თქმა უნდა, მაგრამ ჩემი სკოლის მასწავლებელმა ძალიან დიდი როლი ითამაშა ჩემს წარმატებაში. ვაპირებდი საქართველოში სწავლის გაგრძელებას უმაღლეს სასწავლებელში, მაგრამ გვიან გავიგე, რომ გერმანიაში ჩავაბარე და აღარ დავანებე ეროვნულ გამოცდებს თავი. ტყუილად ხომ არ ვიწვალე მეთქი და ყველაზე გამოცდაზე გავედი“, – გვითხრა ანამარიამ.

თუ რატომ აირჩია გერმანიაში მაინცდამაინც ლიტერატურათმცოდნეობის ფაკულტეტი, ანამარია ამბობს, რომ ბევრი ინტერესის სფერო ჰქონდა, მაგრამ საბოლოოდ მაინც ისე გამოდიოდა, რომ ყველაფრის ლიტერატურასთან დაკავშირება შეიძლებოდა, ამიტომ გერმანიაში სწორედ ამ მიმართულებით გადაწყვიტა სწავლა.

„გარდა ინტერესისა და ლიტერატურის სიყვარულისა, მგონია, რომ ძალიან საჭიროა ლიტერატურა. გარდა იმისა, რომ პიროვნულად დამეხმარება ბევრი სირთულის გადალახვაში, მგონია, რომ არ არის უფუნქციო პროფესია. არ გვყავს ბევრი ლიტერატურათმცოდნე, მაგრამ რამდენად დაფასებულები არიან, ვინც გვყავს, ეგეც საკითხავია.  იქნებ ისე ვისწავლო  და ისე შემიწყონ ხელი გერმანიაში, რომ წავადგე აქაურობას“, – ამბობს ანამარია ქორიძე.

ლიტერატურათმცოდნეობის ფაკულტეტის სტუდენტს, ბუნებრივია, საყვარელი მწერლების შესახებაც ვკითხეთ.

„ეგაა ჩემთვის ყველაზე რთული კითხვა, რადგან მოვყვები ხოლმე და ყველას ვასახელებ, ვინც მიყვარს. ქართული ლიტერატურა ძალიან მიყვარს, ყველა დროის. თანამედროვე ლიტერატურაც ძალიან მიყვარს და ვფიქრობ, საკმაოდ დაუფასებელია.

ეპოქების მიხედვით მყავს საყვარელი მწერლები. მეთვრამეტე საუკუნემდე შოთა რუსთაველი მიყვარს, მცხრამეტეში – ვაჟა,  მეოცეში – ქარჩხაძე. მიუხედავად იმისა, რომ ბევრი იყო მეოცე საუკუნეში გამორჩეული, ჯემალ ქარჩხაძე მომწონს. თანამედროვე მწერლებიდან ბესიკ ხარანაული მიყვარს ძალიან. უცხოელებიდან პოლ ოსტერი. ამერიკელი მწერალია, ძალიან საჭირო რაღაცეებს ეხება, ჩემი აზრით. ასევე ძალიან მიყვარს სილვია პლაცი და მე მგონი დავაკომპლექტე ჩემი შვიდეული“- აღნიშნა ანამარიამ.

მოამზადა ცისანა შერგილაშვილმა

„ჩვენ ძალიან ხშირად ვამაყობთ, რომ ვართ პირველი უნივერსიტეტი კავკასიაში. დღემდე თსუ არის ჩემპიონი ნამდვილად ნებისმიერ რეიტინგში, მაგრამ ეს არ არის მთავარი. თსუ არის ჩემპიონი სხვა რამეში – ამ სხვა რამეს ჰქვია სიყვარული, ამ სხვა რამეს ჰქვია თავისუფლება. იმიტომ რომ იყო თსუ-ელი ნიშნავს იყო თავისუფალი პიროვნება“,- ამ სიტყვებით მიმართა ივანე ჯავახიშვილის სახელობის თბილისის სახელმწიფო უნივერსიტეტის რექტორმა გიორგი შარვაშიძემ თსუ-ს ბაკალავრიატის 2019 წლის კურსდამთავრებულებს საზეიმო ღონისძიებაზე.

რექტორის თქმით, ეს დღე განსხვავებული და განსაკუთრებულია თითოეული უნივერსიტეტელის ცხოვრებაში, რადგან თსუ კურსდამთავრებულების 300 ათასიან არმიას კიდევ 3000-მდე კურსდამთავრებული შეუერთდა.

გიორგი შარვაშიძემ პირველ რიგში კურსდამთავრებულებს მიულოცა და აღნიშნა, რომ მათ სირთულეების მიუხედავად შეძლეს ბაკალავრიატის საფეხურის წარმატებით დასრულება. რექტორმა საზეიმო დღე ასევე მიულოცა მშობლებს და პროფესორ-მასწავლებლებს.

„ყველაზე კარგი სიტყვა, რომელიც ოდესმე მომისმენია, ეკუთვნის ადამიანს, რომელსაც საერთოდ არ ჰქონია ფორმალური განათლება, არც კოლეჯი დაუმთავრებია და არც უნივერსიტეტი. ეს იყო სტივ ჯობსი. მიუხედავად ამისა, სიტყვაში რომელიც მან წარმოთქვა სტენფორდის უნივერსიტეტის სტუდენტებთან თქვა ყველაზე მთავარი და ეს ყველაზე მთავარი არის ის რომ ეს მსოფლიო თქვენ გეკუთვნით. არ არსებობს არავითარი შეზღუდვა. ეს მსოფლიო თქვენია! ეს ქვეყანა თქვენია! თქვენ ხართ ამ ქვეყნის ხვალინდელი დღე, თქვენ ქმნით ამ ხვალინდელ დღეს!
კიდევ ერთი რამ, რაც დღეს აუცილებლად მინდა ვთქვა. გარდა იმისა, რომ თქვენ ხართ უზარმაზარი ოჯახის წევრები, თსუ-ს კარი ყოველთვის ღიაა თქვენთვის. ბევრი თქვენთაგანი დაბრუნდება თსუ-ში მაგისტრატურაში, ბევრი თქვენთაგანი გახდება დოქტორანტი, ბევრი თქვენთაგანი გახდება პროფესორი, ბევრი თქვენთაგანი გახდება აკადემიური საბჭოს წევრი, ზოგიერთი თქვენთაგანი გახდება თსუ-ს რექტორი. მე მინდა ყოველთვის იცოდეთ, რომ თქვენ ხართ ერთი დიდი ოჯახის წევრები და ეს ერთი დიდი ოჯახი არის ჩვენი უნივერსიტეტის კურსდამთავრებულები“, – განაცხადა რექტორმა.

გიორგი შარვაშიძის თქმითვე, თსუ-ს კურსდამთავრებულები ყველგან არიან, საჯარო თუ კერძო სექტორში, და ისინი ყოველთვის, ნებისმიერ კრიტიკულ სიტუაციაში დაეხმარებიან კურსდამთავრებულთა დიდი ოჯახის წევრებს.

„დღეს თქვენ იწყებთ თქვენი მომავლის შენებას, არა მხოლოდ თქვენი საკუთარი მომავლის, თქვენი ქვეყნის მომავლის შენებას. მე მინდა წარმატება გისურვოთ ამ მომავლის შენებაში!
ეხლა თქვენ ძალიან ცოტა რამ გაშორებთ იმ მომენტს, როდესაც თქვენს ქუდებს ააგდებთ ისე მაღლა რამდენადაც შეძლებთ და იცოდეთ, აქ არის ერთი საიდუმლოება – რაც უფრო მაღლა ააგდებთ ქუდს, მით უფრო მაღალი იქნება თქვენი წარმატება ცხოვრებაში.
ახლა კი, კიდევ ერთხელ მინდა მოგილოცოთ დღევანდელი წარმატება და მინდა გისურვოთ, რომ ეს წარმატება იყოს უამრავი წარმატების საწინდარი თქვენ ცხოვრებაში.

გახსოვდეთ თსუ!“

2019 წლის ერთიანი ეროვნულ გამოცდებზე ჩაბარებული უცხოური ენების გამოცდის ტესტების შედეგები გამოქვეყნდა. შედეგების ნახვა აბიტურიენტებს როგორც ვებგვერდის, ისე SMS-ის საშუალებითაც შეუძლიათ. სისტემაში შესასვლელად აპლიკანტმა შესაბამის ველში უნდა მიუთითოს პირადი ნომერი და საიდენტიფიკაციო ნომერი. შედეგებთან ერთად იქნება განთავსებული აბიტურიენტის ნაშრომის ასლი და მიღებული ქულა.

იხილეთ შ ე დ ე გ ე ბ ი

რაც შეეხება მოკლეტექსტური შეტყობინებით ქულის გაგებას, აბიტურიენტმა მობილური ტელეფონიდან (მაგთი, ჯეოსელი) საკუთარი საიდენტიფიკაციო კოდი (ბარათზე მითითებული ცხრა ნიშნა რიცხვი) უნდა გაგზავნოს ნომერზე 93 333 (საფასური 50 თეთრი ჩამოიჭრება ანგარიშიდან).

დანარჩენი გამოცდების შედეგების გამოქვეყნება ეტაპობრივად მოხდება. გამოცდების ეროვნული ცენტრის ხელმძღვანელის ცნობით, შედეგები შემდეგი კვირის ბოლომდე ვებგვერდზე სრულად დაიდება, ხოლო  სტატისტიკური ანალიზი ვებგვერდზე აპელაციის შედეგების გამოქვეყნების შემდეგ განთავსდება.

შეგახსენებთ, რომ საგანმანათლებლო პროგრამების მითითებისა და შეცვლის საშუალება აპელაციების შედეგბის გამოქვეყნებიდან მომდევნო დღის ჩათვლით გექნებათ. რაც შეეხება აპელაციას, ეს პროცესი მას შემდეგ დაიწყება რაც ყველა საგნის ქულა გამოქვეყნდება. სააპელაციო განაცხადების მიღება ელექტრონულად იქნება შესაძლებელი გამოცდების ცენტრის ოფიციალური გვერდიდან. აპელაციის საფასური 50 ლარია.

განახლებადი ინფორმაცია გამოცდების შესახებ

საქართველოს ფინანსთა სამინისტროს საგამოძიებო სამსახურის თანამშრომლების მიერ გატარებული ოპერატიულ-სამძებრო და საგამოძიებო მოქმედებების შედეგად, საქართველოს სსკ-ის 221-ე მუხლის მე-3 და 362-ე მუხლის პირველი ნაწილებით გათვალისწინებული კომერციული მოსყიდვისა და ყალბი დოკუმენტის დამზადება-გასაღების ფაქტზე დაკავებულ იქნა ერთი პირი.

საქართველოს ფინანსთა სამინისტროს საგამოძიებო სამსახურის ინფორმაციით, გამოძიებით დადგინდა, რომ პროფესიული სასწავლებლის დირექტორმა დაამზადა და 950 ლარად გაასაღა სამედიცინო განათლების მიღების დამადასტურებელი ყალბი სერტიფიკატი, რა დროსაც მოხდა მისი დაკავება.

აღნიშნული ქმედება სასჯელის სახით ითვალისწინებს თავისუფლების აღკვეთას 2-დან 4 წლამდე ვადით.

2019 წლის ზოგადი უნარების გამოცდაში უმაღლესი 80 ქულა არ დაწერილა. 79 ქულა კი ორმა აბიტურიენტმა მიიღო. ერთ-ერთი ქუთაისის  N9 საჯარო სკოლის მოსწავლე ნუცა ცირეკიძე, ხოლო მეორე თბილისის კერძო სკოლა „ქართული სასწავლებლის“ მოსწავლე ანუკი გოცაძეა.

ანუკის არ გაკვირვებია ზოგად უნარებში 80 ქულა რომ არ დაიწერა. თავადაც არ ელოდა ამხელა შედეგს.

„თვითონ ქულამ შოკი მომგვარა. ჩემი ტესტი მქონდა ზუსტად დამახსოვრებული, როგორ დავწერე და 77 ქულას ველოდებოდი. რომელ მომენტში შეცვალე არასწორი პასუხები და მივიღე 79 ქულა, ეს არ ვიცი. ის ფაქტი, რომ 79-ზე მეტი არ დაიწერა, ესეც არაა გასაკვირი“, – გვითხრა ანუკი გოცაძემ.

EDU.ARIS.GE ანუკის სამომავლო გეგმებზე ესაუბრა, ასევე იმ პროცესზე, რომელმაც ამ შედეგებამდე მიიყვანა.

-რომელი საკითხების შესრულება უფრო მოგწონდა ვარჯიშის დროს ზოგად უნარებში, რომელი ნაწილი უფრო საინტერესო იყო შენთვის?

-მათემატიკური ნაწილი. განსაკუთრებით ამოცანები, რადგან სხვები თუ რაღაცნაირად ერთმანეთს ჰგავს, აქ სიახლეები შემოდიოდა ხოლმე. დაღლილობას შველოდა. ვერბალურს რაც შეეხება, წინადადებების შევსება მომწონდა და ლოგიკის ამოცანები.

-რა დროს უთმობდი მეცადინეობას? აბიტურიენტობის პერიოდი ძალიან დატვირთული გქონდა?

-სკოლაში გვიტარდებოდა თითქმის ყოველდღე ზოგადი უნარების გაკვეთილი, რომელიც ჩვეულებრივი გაკვეთილის მსგავსად 45 წუთი კი არა, საათნახევარი მაინც გრძელდებოდა. ყოველდღე ვწერდით ტესტის ნახევარს და კვირაში ერთხელ მაინც ვწერდით მთლიან ტესტს. პირველ სემსტრში მეტი დავალება გვქონდა, მეორე სემესტრში დავალებების წონამ მოიკლო და გაკვეთილზე უფრო მეტს ვაკეთებდით. ჩემს სკოლაში აბიტურის ყველა საგანი გვქონდა და მათ შორის, უნარების გაკვეთილიც გვიტარდებოდა.

-მომავალი წლიდან აღარ იქნება ზოგადი უნარების გამოცდა სავალდებულო, რას იტყვი ამაზე?

-უნარების ფუნქციაა, განსაზღვროს ადამიანი აზროვნებს თუ არა. ამ ფუნქციის მინიჭება შეიძლება ნებისმიერი საგნისთვის. თუ უნარების მსგავს საკითხებს ჩადებენ სხვა საგნებში, მაშინ ვთვლი, რომ შეიძლება ამ გამოცდის გაუქმება. ანუ უნარების დავალებები რომ შეიტანონ სხვა საგნებში.

-რომელი სპეციალობა მიუთითე პირველ ადგილზე?

-აგრარულ უნივერსიტეტში ბიოლოგიის მიმართულება. ძალიან მინდა ტვინის გამოკვლევა. ჯერ ბიოლოგიას ვისწავლი ბაკალავრიატში, მაგისტრატურაში მინდა უკვე ნეირომეცნიერება.

-სამომავლოდ სად ხედავ შენს თავს?

-ვფიქრობ, მაგისტრატურას უცხოეთში გავივლი. ყველაზე ოპტიმისტურ ვარიანტში, რომელიმე წამყვან უნივერსიტეტსა და კლინიკაში ვხედავ ჩემს თავს.

-რატომ დაინტერესდი ადამიანის ტვინის შესწავლით?

-პირველად ფსიქოლოგიით დავინტერესდი. ადამიანების გაშიფვრა მიყვარდა. ყოველთვის მაინტერესებდა კოსმოსიც, მაგრამ მერე რომ დავფიქრდი, ყველაზე დიდი სასწაული, რასაც შეგვიძლია ხელი მოვკიდოთ, მაგრამ სინამდვილეში არ ვკიდებთ, არის ტვინი. უამრავი საოცრება ხდება ტვინში და კარგად არ გვაქვს გამოკვლეული.

მოამზადა ცისანა შერგილაშვილმა

საქართველოს განათლების, მეცნიერების, კულტურის და სპორტის სამინისტრო აბიტურიენტებს აფრთხილებს, რომ ისინი სერიოზულად არ უნდა მოეკიდონ სარეკლამო განცხადებებს, რომლებიც მათ ეროვნული გამოცდების ჩაბარების გარეშე უმაღლეს სასწავლებელში მოხვედრას ჰპირდება.

საქართველოს პირველ არხს ერთ-ერთ ასეთ სარეკლამო სატელეფონო შეტყობინებაში მითითებულ ნომერზე განუცხადეს, რომ აკრედიტებულ უმაღლეს სასწავლებელში მოსახვედრად მხოლოდ სკოლის ატესტატია საჭირო და გადასახდელია თანხა 2800 ლარის ოდენობით. მათი განმარტებით, პირველ ეტაპზე აბიტურიენტს მეზობელ ქვეყანაში გაგზავნიან, სამი თვის შემდეგ კი, მობილობით საქართველოში ნებისმიერ უმაღლეს სასწავლებელში ჩაირიცხებიან.

აღნიშნულთან დაკავშირებით განათლების სამინისტროში განმარტეს, რომ მსგავსი სარეკლამო განცხადებები აბიტურიენტთა შეცდომაში შეყვანას ისახავს მიზნად. მათი თქმით, მოქმედი კანონმდებლობით, ეროვნული გამოცდების გვერდის ავლით აკრედიტებულ უმაღლეს სასწავლებელში ჩარიცხვა შეუძლებელია.

ეროვნული გამოცდების გარეშე ვერც ერთ ავტორიზებულ უნივერსიტეტში ვერ მოხვდებით – სამინისტრო აბიტურიენტებს აფრთხილებს

აკაკი წერეთლის სახელმწიფო უნივერსიტეტში არსებული ეთიკის კომისია, ამავე სასწავლებლის ლექტორის, ბადრი ფორჩხიძის მიერ სიძულვილის ენის გამოყენებაზე იმსჯელებს.

საუბარია პროფესორ ლევან ალექსიძის გარდაცვალებასთან დაკავშირებით უნივერსიტეტის ლექტორის მიერ სოციალურ ქსელში გამოქვეყნებულ პოსტზე.

,,აქამდეც უნდა ჩაძაღლებულიყო’’, – წერს ბადრი ფორჩხიძე სოციალურ ქსელ ფეისბუქში. წერეთლის უნივერსიტეტში იგი ფილოსოფიას ასწავლის.

შალვა კირთაძის თქმით, მას პოსტი არ უნახავს, თუმცა, სიძულვილის ენის გამოყენებას არც ერთ შემთხვევაში არ ეთანხმება.

“არ მინახავს რა დაწერა ჩვენმა აკადემიურმა პერსონალმა, თუმცა, ნებისმიერ შეთხვევაში უნივერსიტეტი სიძულვილის ენას არ დაეთანხმება, მით უფრო, როცა საუბარია ლევან ალექსიძეზე. ეს არის ყოვლად მიუღებელი. ახლა ყველა თანამშრომელი არის შვებულებაში, ხოლო მისი დამთავრების შემდეგ არ არის გამორიცხული ეთიკის კომისიამ ამ საკითხზე იმსჯელოს”, – ამბობს შალვა კირთაძე.

მისი თქმით, კომისიამ მსჯელობის შედეგად შესაძლოა მიიღოს გადაწყვეტილება როგორც სიტყვიერი გაფრთხილების, ასევე, მისი უნივერისიტეტიდან გათავისუფლების შესახებ.

წყარო: kutaisipost.ge

[1-08.2019-GE] – საგანმანათლებლო ამბების ყოველკვირეული მიმოხილვა (ქართულად)

26/07/2019 – 01/08/2019

EDU.ARIS.GE
For professional use

Pilot edition

Preschool Education

§
The Tbilisi Kindergarten Management Agency is implementing a project of reinforcement and reconstruction of 9 educational institution buildings including Kindergartens #4 and #144.

A building of Kindergarten #4 is a historical heritance monument. The building’s basic part was amortized, its façade was collapsing and its staircase was damaged. Now the wrecking parts of the building are under demolition, the footing is being reinforced and the façade is under rehabilitation. As is scheduled, the works will be completed in February, 2020.

As for Kindergarten #144, the works will be completed before a new educational year starts. The kindergarten will be opened for children in October.

General Education

§
At the invitation of LEPL Office of Resource Officers of Educational Institutions, Mr. Tim Chepman, Chairman of the European Forum for Restorative Justice visited Tbilisi. He presented a special speech at the task meeting related to the school mediation topics.

According to a new safety regulation, LEPL Office of Resource Officers of Educational Institutions works on the mediation concept and standardized plan at schools aiming at ensuring peaceful conflict resolution and mediation in the best interests of students.

§
On July 26, Head of Shota Rustaveli National Science Foundation of Georgia presented a telescope and books about astronomy to the prominent pupil of Tsalenjikha Public School #2, Kaian Belkania who is interested in natural science and astronomy. The Foundation will also render help in the future to the pupil interested in science providing sectoral books and free access to the international scientific base – Elsevier.

§
Student mobility terms at the general educational institutions were defined for the year 2019. The mobility is allowed during the year except for the periods specified in the Order: no student mobility will be permitted from September 1 to October 1 as well as in the second semester – for the 12th grade pupils. During this period, case-by-case decisions will be made only after applying to the Ministry.

§
On July 28, two bronze medals were awarded to the Georgian students group that participated in the 51st International Chemistry Olympiad in Paris.

Professional Education

§
Ministry of Education, Science, Culture and Sport announced a contest for a position of professional college directors in April, 2019; although, no results of the contest are published yet; therefore, neither former, nor new directors of the colleges are known so far.

As Mrs. Irina Tserodze, Head of Professional Development Department of the Ministry said, no specific terms for making such a decision was defined by law and as for the results, they would be published in one week.

It is interesting, how would a quality of performance of the professional colleges be affected by such a long-term uncertainty?

Higher Education

§
On July 25, a permanent chancellor conference was founded at Tbilisi State University. The Conference was represented solely by chancellors of the higher state educational institutions. It was noted that chancellors of any non-public higher educational institutions would also be able to participate in the Conference; otherwise, the stated principles of the Conference such as ensuring academic freedom, autonomy of the universities, sharing of the European and national humanistic traditions, integration of teaching and research, response to the current challenges etc. would be hardly followed.

§
On July 31, at 18:00, a Russian-language message was received on the official E-mail of Shota Rustaveli State University of Batumi about a bomb located at the University building. They immediately started investigation based on Article 323(1’) on the terrorist act threats of the Criminal Code of Georgia.

Police conducted relevant works but no bomb was found. The University continued working as usual from August 1.

§
At the briefing held on July 31, Mrs. Sopo Gorgodze, Head of the Exam Center stated that in the unified national exams, around 87% of entrants successfully cleared a minimum competency threshold while 13% did not, therefore they were excluded from the process.

Statistics of clearing the minimum threshold by test versions look as follows:

I version – 86,27%
II version – 87,66%
III version – 87,75%
IV version – 86,40%

The statistics prepared on the basis of results of the Georgian-language entrants.

§
On August 1, test results of the Georgian language and literature exam taken for the unified national exams of the year 2019 were published. Entrants can see the results on the web page as well as by SMSs.

§
According to the information given by the Georgian National Office of Erasmus+, results of the contest of Jean Monnet Program for the year 2019 were published.

There are 6 Georgian projects among winners:

• NEW VISION UNIVERSITY Jean Monnet Chair in EU Law at the New Vision University, Professor Gaga Gabrichidze;
• GEORGIAN TECHNICAL UNIVERSITY European idea and Euro integration of Georgia, Professor Emzar Pazhava;
• CAUCASUS UNIVERSITY LTD Triangle Effect of European Studies at Schools;
• GEORGIA’S REFORMS ASSOCIATES Georgia and the EU: 10 years of successful cooperation in the context of EaP;
• CENTER FOR SOCIAL SCIENCES Enhancing Knowledge on Georgia’s EU Integration among Ethnic Minorities;
• GEORGIAN INSTITUTE OF POLITICS Promote and Act for Europe;

Informal Education

§
The project is being implemented on the basis of International Buckswood School – Tbilisi; 750 pupils from different regions of Georgia with the best results in the national educational Olympiads take part in it.

In each stream of the science camp, the best pupils among the camp participants are selected and a part of them will go to Switzerland, CERN (the European Organization for Nuclear Research) and the other part will go to Poland, to the Copernicus Science Center while the best ones among the English language camp participants will go to the Buckswood School, GB.

[1-08.2019-EN] Weekly overview of educational affairs in Georgia (in English)

26/07/2019 – 01/08/2019

EDU.ARIS.GE
პროფესიული გამოყენებისათვის

საპილოტე გამოშვება

სკოლამდელი განათლება

§

თბილისის ბაგა-ბაღების მართვის სააგენტო 9 საგანმანათლებლო დაწესებულების გამაგრება-რეკონსტრუქციის პროექტს ახორციელებს. მათ შორის, N4 და N144 ბაგა-ბაღის შენობების სარეკონსტრუქციო სამუშაოებს.

N4 საბავშვო ბაგა-ბაღის შენობა ისტორიული მემკვიდრეობის ძეგლს წარმოადგენს. ნაგებობას ამორტიზებული ჰქონდა ძირითადი ნაწილი, იშლებოდა ფასადი, დაზიანებული იყო კიბე. ამჟამად მიმდინარეობს ავარიული ნაწილების დემონტაჟი, საძირკვლის გამაგრება და ფასადის რეაბილიტაცია. სამუშაოების დასრულება 2020 წლის თებერვალშია დაგეგმილი.

რაც შეეხება N144 ბაგა-ბაღს, სამუშაოები ახალი სააღმზრდელო წლის დაწყებამდე დასრულდება. ბაგა-ბაღი აღსაზრდელებს ოქტომბრის თვეში მიიღებს.

ზოგადი განათლება

§

სსიპ – საგანმანათლებლო დაწესებულების მანდატურის სამსახურის მოწვევით, თბილისს აღდგენითი მართლმსაჯულების ევროპული ფორუმის თავმჯდომარე ტიმ ჩეპმანი ეწვია. სასკოლო მედიაციის თემაზე გამართულ სამუშაო შეხვედრაზე იგი სპეციალური მოხსენებით წარსდგა.

უსაფრთხოების ახალი წესის თანახმად, სსიპ – საგანმანათლებლო დაწესებულების მანდატურის სამსახური სკოლებში მედიაციის კონცეფციასა და სტანდარტულ გეგმაზე მუშაობს, რომელიც, მოსწავლეების საუკეთესო ინტერესების გათვალისწინებით, კონფლიქტის მშვიდობიანი გადაწყვეტისა და მათ შორის, მედიაციის უზრუნველყოფისკენ იქნება მიმართული.

§

26 ივლისს შოთა რუსთაველის საქართველოს ეროვნული სამეცნიერო ფონდის ხელმძღვანელმა წალენჯიხის N2 საჯარო სკოლის გამორჩეულად ნიჭიერ მოსწავლეს ქაიან ბელქანიას, რომელიც საბუნებისმეტყველო საგნებით, ასტრონომიითაა დაინტერესებული, საჩუქრად ტელესკოპი და ასტრონომიის შესახებ წიგნები გადასცა. ფონდი მეცნიერებით დაინტერესებულ მოსწავლეს მომავალშიც დაეხმარება დარგობრივი წიგნებითა და  ,,ელსევიერის“ საერთაშორისო სამეცნიერო ბაზაზე უფასო წვდომით.

§

განისაზღვრა 2019 წელს ზოგადსაგანმანათლებლო დაწესებულებებში მოსწავლეთა მობილობის ვადები. მობილობა დასაშვებია მთელი წლის განმავლობაში, გარდა ბრძანებაში მითითებული პერიოდებისა: მოსწავლეთა მობილობა არ განხორციელდება 1-ლი სექტემბრიდან 1-ლ ოქტომბრამდე, ასევე, მეორე სემესტრში – მე-12 კლასელთათვის. ამ პერიოდში, მხოლოდ სამინისტროსთვის მიმართვის შემდეგ იქნება მიღებული კონკრეტული სიტუაციის შესატყვისი გადაწყვეტილება.

§

28 ივლისს პარიზში, ქიმიის 51-ე საერთაშორისო ოლიმპიადაში მონაწილე საქართველოს მოსწავლეთა ნაკრებს  ბრინჯაოს ორი მედალი გადაეცა.

პროფესიული განათლება

§

განათლების, მეცნიერების, კულტურისა და სპორტის სამინისტრომ პროფესიული კოლეჯების დირექტორების პოზიციაზე კონკურსი 2019 წლის აპრილის თვეში გამოაცხადა, თუმცა კონკურსის შედეგები ჯერაც არ არის ცნობილი. შესაბამისად უცნობია, რომელ სასწავლო დაწესებულებაში დარჩება ძველი დირექტორი და რომელში შეიცვლება.

სამინისტროს პროფესიული განათლების განვითარების დეპარტამენტის ხელმძღვანელის ირინა წეროძის თქმით, კონკრეტული ვადები ამ გადაწყვეტილების მისაღებად კანონით განსაზღვრული არ არის, შედეგები კი ერთ კვირაში გახდება ცნობილი.

საინტერესოა, როგორ აისახება პროფესიული სასწავლებლების მუშაობის ხარისხზე ასეთი ხანგრძლივი გაურკვევლობა?

უმაღლესი განათლება

§

25 ივლისს თსუ-ში რექტორთა მუდმივმოქმედი კონფერენცია დაფუძნდა. კონფერენცია მხოლოდ სახელმწიფო უმაღლესი საგანმანათლებლო დაწესებულებების რექტორებით იყო წარმოდგენილი. აღინიშნა, რომ კონფერენციაში ჩართვა არასახელმწიფო უმაღლესი საგანმანათლებლო დაწესებულებების რექტორებსაც შეეძლებათ, სხვა შემთხვევაში, კონფერენციის გაცხადებული პრინციპების: აკადემიური თავისუფლების უზრუნველყოფა, უნივერსიტეტების ავტონომიურობა, ევროპული და ეროვნული ჰუმანისტური ტრადიციების გაზიარება, სწავლების და კვლევის ინტეგრაცია, არსებულ გამოწვევებზე რეაგირება და სხვა. დაცვა ძნელად მოხერხდება.

§

31 ივლისს, 18 საათზე ბათუმის შოთა რუსთაველის სახელმწიფო უნივერსიტეტის ოფიციალურ ელექტრონულ ფოსტაზე შევიდა რუსულენოვანი შეტყობინება უნივერსიტეტში ბომბის არსებობის შესახებ. მაშინათვე დაიწყო გამოძიება სსკ-ის 323 მუხლის პირველი პრიმა ნაწილით, რაც ტერორიზმით მუქარას გულისხმობს.

პოლიციამ ჩაატარა შესაბამისი სამუშაოები, მაგრამ ბომბი არ აღმოჩენილა. 1-ლი აგვისტოდან უნივერსიტეტმა მუშაობა ჩვეულ რეჟიმში განაახლა.

§

31 ივლისს გამართულ ბრიფინგზე გამოცდების ცენტრის ხელმძღვანელმა სოფო გორგოძემ განაცხადა, რომ ერთიან ეროვნულ გამოცდებზე აბიტურიენტების დაახლოებით 87%-მა ზოგადი უნარების გამოცდაში მინიმალური კომპეტენციის ზღვარი წარმატებით გადალახა, ხოლო 13%-ის შედეგები ამ ზღვარზე დაბალი აღმოჩნდა, რის გამოც გამოეთიშა პროცესს.

მინიმალური ზღვარის გადალახვის სტატისტიკა ტესტების ვარიანტების მიხედვით ასე გამოიყურება:

I ვარიანტი – 86,27%
II ვარიანტი – 87,66%
III ვარიანტი – 87,75%
IV ვარიანტი – 86,40%

სტატისტიკა მომზადებულია ქართულენოვანი აბიტურიენტების შედეგების საფუძველზე.

§

1-ლ აგვისტოს 2019 წლის ერთიანი ეროვნულ გამოცდებზე ჩაბარებული ქართული ენისა და ლიტერატურის გამოცდის ტესტების შედეგები გამოქვეყნდა. შედეგების ნახვა აბიტურიენტებს როგორც ვებგვერდის, ისე SMS-ის საშუალებითაც შეუძლიათ.

§

Erasmus+ საქართველოს ეროვნული ოფისის ინფორმაციით, გამოქვეყნდა პროგრამა ჟან მონეს წლევანდელი კონკურსის შედეგები. გამარჯვებულთა შორის 6 ქართული პროექტია:

• ნიუ ვიჟენ უნივერსიტეტი – „ევროკავშირის სამართლის ჟან მონე კათედრა“, პროფესორი გაგა გაბრიჩიძე;
• საქართველოს ტექნიკური უნივერსიტეტი – „ევროპის იდეა და საქართველოს ევროპული ინტეგრაცია“, პროფესორი ემზარ ფაჟავა;
• კავკასიის უნივერსიტეტი – „ევროკავშირის შესახებ სწავლების ეფექტი სკოლებში“;
• საქართველოს რეფორმების ასოციაცია – „საქართველო და აღმოსავლეთის პარტნიორობა: წარმატებული თანამშრომლობის 10 წელი“;
• სოციალურ მეცნიერებათა ცენტრი – „ევროკავშირში საქართველოს ინტეგრაციის შესახებ ცოდნის გაღრმავება ეთნიკურ უმცირესობებში“;
• საქართველოს პოლიტიკის ინსტიტუტი – „იმოქმედე ევროპისთვის“;

არაფორმალური განათლება

§

პროექტი ბაქსვუდის საერთაშორისო სკოლა – „თბილისის“ ბაზაზე ხორციელდება და მასში ეროვნულ სასწავლო ოლიმპიადებში საუკეთესო შედეგების მქონე 750 მოსწავლე მონაწილეობს საქართველოს სხვადასხვა რეგიონიდან.

სამეცნიერო ბანაკის თითოეულ ნაკადში ბანაკის მონაწილეთაგან საუკეთესო მოსწავლეები შეირჩევიან, რომელთა ნაწილი შვეიცარიაში, CERN-ში (ბირთვული კვლევების ევროპული ცენტრი) გაემგზავრება, ნაწილი კი – პოლონეთში, კოპერნიკის სამეცნიერო ცენტრში, ინგლისური ენის ბანაკის მოსწავლეებიდან საუკეთესოები კი, დიდ ბრიტანეთში, ბაქსვუდის სკოლაში გაემგზავრებიან.

2019 წლის ერთიან ეროვნულ გამოცდებზე უცხოური ენების – ინგლისური, გერმანული, რუსული და ფრანგული – გამოცდაზე გამოყენებული ტესტების შეფასების სქემა გამოქვეყნდა.

იხილეთ უცხოური ენების ტესტები შეფასების სქემა

უცხოური ენების გამოცდის შედეგები დღეს გახდა ცნობილი. აღნიშნული საგნის გამოცდის სტატისტიკური ანალიზი აპელაციის დასრულების შემდეგ გამოქვეყნდება. დანარჩენი გამოცდების შედეგების გამოქვეყნება ეტაპობრივად მოხდება. გამოცდების ეროვნული ცენტრის ხელმძღვანელის ცნობით, შედეგები შემდეგი კვირის ბოლომდე ვებგვერდზე სრულად დაიდება, ხოლო  სტატისტიკური ანალიზი ვებგვერდზე აპელაციის შედეგების გამოქვეყნების შემდეგ განთავსდება.

რაც შეეხება აპელაციას, ეს პროცესი მას შემდეგ დაიწყება რაც ყველა საგნის ქულა გამოქვეყნდება. სააპელაციო განაცხადების მიღება ელექტრონულად იქნება შესაძლებელი გამოცდების ცენტრის ოფიციალური გვერდიდან. აპელაციის საფასური 50 ლარია.

განახლებადი ინფორმაცია გამოცდების შესახებ

სტუდენტებმა, რომელთაც მოიპოვეს მობილობის წესით ილიას სახელმწიფო უნივერსიტეტის საბაკალავრო პროგრამებზე ჩარიცხვის უფლება 2019-2020 სასწავლო წლის შემოდგომის სემესტრისათვის, რეგისტრაცია უნდა გაიარონ 2019 წლის 27 აგვისტოდან 30 აგვისტოს ჩათვლით 10:00 საათიდან 18:00 საათამდე, შემდეგ მისამართებზე:

• მეცნიერებათა და ხელოვნების ფაკულტეტი – ჭავჭავაძის გამზ. N32, ოთახი A306
• საბუნებისმეტყველო მეცნიერებებისა და მედიცინის ფაკულტეტი – მ. თამარაშვილის ქ. N4, ოთახი H118 (H კორპუსთან შემოსასვლელი ქ. ჩოლოყაშვილის გამზ., 3/5 ეზოდან);
• სამართლის სკოლა – ჭავჭავაძის გამზ. N32, ოთახი A 407;
• ბიზნესის, ტექნოლოგიისა და განათლების ფაკულტეტი – ქ. ჩოლოყაშვილის გამზ., 3/5, ოთახი E207.

რეგისტრაციისათვის სტუდენტებმა განცხადებით უნდა მიმართონ უნივერსიტეტის რექტორს (განაცხადი ივსება ადგილზე).

შიდასაუნივერსიტეტო რეგისტრაციისთვის საჭირო საბუთების ჩამონათვალი:

• ამონაწერი უმაღლეს საგანმანათლებლო დაწესებულებაში ჩარიცხვის ბრძანებიდან;
• სტუდენტის სასწავლო ბარათი (ნიშნების ფურცელი);
• ცნობა გაცემული შესაბამისი უმაღლესი საგანმანათლებლო დაწესებულებიდან 2019 წლის 1 აგვისტოს შემდეგ (სტუდენტის სტატუსის, სასწავლო პროგრამის დასახელების, და მის მიმართ გამოცემული სამართლებრივი აქტების მითითებით);
• სამხედრო აღრიცხვაზე ყოფნის დამადასტურებელი დოკუმენტი (მხოლოდ ვაჟებისთვის);
• პირადობის დამადასტურებელი დოკუმენტის ასლი. უცხო ქვეყნის მოქალაქის შემთხვევაში – პასპორტის (ან პირადობის მოწმობის) სანოტარო წესით დამოწმებული თარგმანი;
• სრული ზოგადი განათლების დამადასტურებელი დოკუმენტის ნოტარიულად დამოწმებული ასლი.
• უცხოეთში მიღებული სრული ზოგადი განათლების შემთხვევაში – განათლების ხარისხის განვითარების ეროვნული ცენტრის მიერ გაცემული აღიარების დოკუმენტი;
• 2 ცალი ფოტოსურათი 3X4 და ელ. ვერსია ელექტრონულ მატარებელზე (CD);
• გრანტის არსებობის შემთხვევაში, განათლების მართვის საინფორმაციო სისტემის წერილი, სადაც მითითებული იქნება გრანტისა და სწავლის საფასურის ოდენობის შესახებ ინფორმაცია;
• ცნობა გამოცდების ეროვნული ცენტრიდან ერთიან ეროვნულ გამოცდებზე მეოთხე გამოცდის (მათემატიკაში, გეოგრაფიაში, ფიზიკაში, ქიმიაში ან ბიოლოგიაში) წარმატებით ჩაბარების შესახებ (საბუნებისმეტყველო მეცნიერებებისა და მედიცინის ფაკულტეტის პროგრამებზე და ბიზნესის, ტექნოლოგიისა და განათლების ფაკულტეტის მათემატიკის (ძირითადი და დამატებითი სპეციალობა და არქიტექტურის (ძირითადი სპეციალობა) მობილობის მსურველთათვის).

შენიშვნა: უმაღლესი საგანმანათლებლო დაწესებულების მიერ გაცემული დოკუმენტები დამოწმებული უნდა იყოს შესაბამისი ბეჭდით.

ძვირფასო არის.ჯი – განათლების მომხმარებლებო,

EDU.ARIS.GE-ს ახალი საინფორმაციო პროდუქტი აქვს !

საგანმანათლებლო ამბების ყოველკვირეული მიმოხილვა პროფესიული გამოყენებისათვის, რომელიც კვირაში ერთხელ, ყოველ პარასკევს გამოვა და ერთი კვირის ამბებს ხუთშაბათიდან ხუთშაბათამდე მოიცავს.

მიმოხილვა იმ ადამიანებისთვის არის შექმნილი, ვინც საგანმანათლებლო ამბებს პროფესიულ საქმიანობაში იყენებს და, სწორედ ამიტომ, ძირითადად, შეფასებებისგან თავისუფალი მშრალი ფაქტებისგან შედგება.

ამ ეტაპზე მიმოხილვის წაკითხვა და წყაროს მითითებით გამოყენება ნებისმიერ ადამიანს შეუძლია, შემდეგ ეტაპზე კი, რამდენიმე თვეში ჩვენ მიმოხილვის კომერციულ გავრცელებას ვგეგმავთ.

სიახლეა ისიც, რომ ეს მიმოხილვა ორ ენაზე იქნება ხელმისაწვდომი – ქართულად და ინგლისურად.

პირველად EDU.ARIS.GE-ს ისტორიაში, ჩვენ ინგლისურენოვანი პროდუქტი გამოვუშვით.

გთხოვთ, გააგებინეთ ამის შესახებ და გაავრცელეთ ეს ინფორმაცია თქვენს უცხელ მეგობრებთან, კოლეგებთან, პარტნიორებთან – ვისაც, თქვენი აზრით, ეს ინფორმაცია პროფესიულ საქმიანობაში დაეხმარება.

მაშ ასე, იხილეთ მიმოხილვის პირველი გამოშვება:

[1-08.2019-GE] – საგანმანათლებლო ამბების ყოველკვირეული მიმოხილვა ( ქართულად)

[1-08.2019-EN] Weekly overview of educational affairs in Georgia (in English)

გმადლობთ!

საუკეთესო სურვილებით,
არის.ჯი – განათლების გუნდი

ანა ჩხეიძე აბიტურიენტია, რომელმაც უცხო ენებისა და ქართულის გამოცდებში უმაღლესი შედეგები მიიღო. ანამ ქართული ენისა და ლიტერატურის გამოცდაში 70-დან 70 ქულა აიღო, ინგლისურში კი 80-დან 80.

ანა 175-ე სკოლის კურსდამთავრებულია. საბოლოო არჩევანზე ჯერ არ ჩამოყალიბებულა, თუმცა სამართალზე ან საერთაშორისო ურთიერთობებზე სურს უმაღლესში სწავლის გაგრძელება. რაც შეეხება უნივერსიტეტს, არჩევანს თბილისის სახელმწიფო უნივერსიტეტსა და თავისუფალ უნივერსიტეტს შორის გააკეთებს.

რაც შეეხება აბიტურიენტობის პერიოდს, როგორც ანამ EDU.ARIS.GE-ს უთხრა, რეპეტიტორთან ემზადებოდა, რადგან თვლის, რომ მარტო ვერ შეძლებდა სასურველი შედეგის მიღწევას.

“უცხო ენისა და ქართულის ტესტები, ვფიქრობ, არ იყო რთული და ეს ჩემს შედეგებზეც აისახა. მეტიც, მგონია, რომ უცხო ენის, კონკრეტულად ინგლისურის ტესტი წელს საშუალოზე მარტივი იყო და უმაღლეს ქულასაც მეტ-ნაკლებად მოველოდი. ქართულის გამოცდის ტესტები, ჩემი აზრით, ყველაზე დახვეწილი იყო და აბიტურიენტს აძლევდა საშუალებას, მაქსიმალურად გამოევლინა საკუთარი შესაძლებლობები. მკაფიოდ ჩამოეყალიბებინა საკუთარი შეხედულება მნიშვნელოვან საკითხებზე.”

დრო თითქმის ყველა გამოცდაზე საკმარისია. მე პირადად კარგად შევძელი დროის რაციონალურად გადანაწილება, გამოყენება და სრულად მობილიზება. ერთადერთი გამოცდა, რომელზეც დროის სიმცირე შესაძლოა ხელისშემშლელ ფაქტორად იქცეს, ზოგადი უნარებია. მით უმეტეს, წლევანდელი საგამოცდო ტესტები წინა წლებთან შედარებით გართულებული იყო, რაც შედეგებზეც აისახა და ბევრმა ვერ გადალახა ბარიერი”, – აღნიშნა ანამ.

უცხო ენების გამოცდაში უმაღლესი ქულა აიღო ანი შალიკიანმაც. მან ინგლისური ენის გამოცდაში მაქსიმუმი 80 ქულა აიღო. ანიმ ქუთაისის N1 საჯარო სკოლა დაასრულა.

“ვაბარებ ეკონომიკის საერთაშორისო სკოლის (ISET) ეკონომიკის ინგლისურენოვან ფაკულტეტზე. მაღალ ქულას ველოდებოდი, რადგან ამისთვის მთელი წელი თავდაუზოგავად ვმეცადინეობდი, თუმცა ჩემთვის მაინც ძალიან დიდი ემოცია იყო როცა გავიგე რომ მაქსიმალური ქულა ავიღე. ვფიქრობ, ნებისმიერისთვის ძალიან სასიხარულოა როცა იგებს, რომ შრომა დაუფასდა. ჩემს შემთხვევაშიც ასე მოხდა”, – აღნიშნა ანიმ EDU.ARIS.GE-სთან საუბრისას.

მოამზადეს ჟუკა ბანძელაძემ და სალომე ზარიძემ