22 თებერვავს გორის სახელმწიფო უნივერსიტეტი სტუდენტთა მეხუთე სამეცნიერო კონფერენციას გამართავს.
კონფერენციის თემაა – “ეკონომიკა და ბიზნესი: გამოწვევები და პერსპექტივები”.
შესაბამისი დებულება კონფერენციის ჩატარების შესახებ უკვე დამტკიცებული და გამოქვეყნებულია.
კონფერენციაში მონაწილეობის მიღება შეუძლიათ გორის სახელმწიფო უნივერსიტეტის
ეკონომიკის, ბიზნესის ადმინისტრირების, ტურიზმის, საჯარო მმართველობის, სასტუმრო მენეჯმენტის მიმართულების სტუდენტებს.
კონფერენციის მიმართულებაა ეკონომიკა, ბიზნესის ადმინისტრირება და ტურიზმი.
კონფერენციის სამუშაო ენაა ქართული.
კონფერენციაში მონაწილეობის მსურველებმა 2024 წლის 15 თებერვლის ჩათვლით ელექტრონული ფოსტის მისამართზე tkhorguashvili@yahoo.com უნდა წარმოადგინონ:
ა) პირადი მონაცემების (აპლიკაციის) შევსებული ფორმა (აპლიკაციის ფორმა ჩამოტვირთეთ
ვებგვერდიდან); ბ) სამეცნიერო ნაშრომის თეზისი.
საკონფერენციო სამეცნიერო ნაშრომის თეზისი წარმოდგენილი უნდა იყოს ელექტრონული სახით შემდეგი მოთხოვნების დაცვით: თეზისი შეიძლება წარმოდგენილი იყოს ქართულ ენაზე Microsoft Word-ის დოკუმენტის სახით; სავალდებულოა Sylfaen შრიფტის გამოყენება; შრიფტის ზომა 11 (გარდა სათაურისა, შრიფტის ზომა სათაურისთვის 12), ინტერვალი 1,5; გვერდის პარამეტრები: დაშორება ზემოდან, ქვემოდან, მარჯვნიდან, მარცხნიდან 2 სმ.; თეზისის მოცულობა არ უნდა აღემატებოდეს A4 ფორმატის 1 ნაბეჭდ გვერდს.
თითოეული ნაშრომის თეზისის შეფასება მოხდება პროგრამული კომიტეტის მიერ და
მოწონებული თეზისების ავტორები მოწვეულნი იქნებიან კონფერენციაში მონაწილეობის მისაღებად.
კონფერენციაში მონაწილე სტუდენტებს გადაეცემათ კონფერენციაში მონაწილეობის
დამადასტურებელი სერტიფიკატი.
დამატებითი ინფორმაციისთვის დაუკავშირდით: თეა ხორგუაშვილი, გორის სახელმწიფო უნივერსიტეტის პროფესორი ტელეფონი: (+995) 577 25 12 71.
იხილეთ დეტალურად: კონფერენციის ჩატარების წესი
The post გორის უნივერსიტეტში სტუდენტთა კონფერენცია – „ეკონომიკა და ბიზნესი: გამოწვევები და პერსპექტივები“ ჩატარდება first appeared on ყველაფერი განათლებისთვის და განათლებიდან | edu.aris.ge.
