“ევროპის უნივერსიტეტში” მკლავჭიდის სტუდენტური კლუბის ინიციატივით და სტუდენტთა და კურდსდამთავრებულთა მომსახურების ცენტრის ორგანიზებით, მკლავჭიდის ჩემპიონატი გაიმართა.
უნივერსიტეტის მიერ 30 აპრილს გამოქვეყნებული ინფორმაციით, ჩემპიონატი სპეციალური მოწვევით მკლავჭიდის მოქმედმა მსოფლიო ჩემპიონმა, EAST vs WEST ქამრის მფლობელმა და ხუთგზის ევროპის ჩემპიონმა, ირაკლი ზირაქაშვილმა, გახსნა.
მკლავჭიდის ჩემპიონატში მონაწილეობა ქართველმა და უცხოელმა სტუდენტებმა მიიღეს. მკლავჭიდის ჩემპიონატი ჩატარდა 5 წონით კატეგორიაში (60; 70; 80; 90; 90+კგ.), როგორც მარჯვენა, ასევე მარცხენა ხელში და ყველა წონითი კატეგორიიდან გამოვლინდა I, II და III ადგილოსანი.
ჩემპიონატს მსაჯობდა ლევან კვარაცხელია, რომელიც ევროპის პრიოზიორი და მრავალგზის საქართველოს ჩემპიონია.
“ევროპის უნივერსიტეტში” მკლავჭიდის ჩემპიონატი პირველად ჩატარდა და სისტემატურ სახეს მიიღებს.
The post “ევროპის უნივერსიტეტში” მკლავჭიდის ჩემპიონატი გაიმართა first appeared on ყველაფერი განათლებისთვის და განათლებიდან | edu.aris.ge.
