TEMPUS -ის პროექტის „კომპეტენციათა ცენტრების ქსელი საკრუიზო ტურიზმის განვითარების მიზნებისთვის“ ფარგლებში გურამ თავართქილაძის სასწავლო უნივერსიტეტში სამუშაო შეხვედრა გაიმართა, სადაც ევროპელმა ექსპერტებმა პროექტში ჩართული აკადემიური პერსონალისა და სტუდენტების მუშაობა შეაფასეს.
კსუ-ის ინფორმაციით, 3-წლიანი პროექტის მიზანია შავი ზღვის რეგიონში საკრუიზო ტურიზმის განვითარება. მასში კავკასიის საერთაშორისო უნივერსიტეტთან ერთად საქართველოს 3 უმაღლესი სასწავლებელია ჩართული.
უნივერსიტეტის ცნობით, პროექტის ფარგლებში უკრაინის ქალაქ ხერსონში 5-13 სექტემბერს სტუდენტებით დაკომპლექტებული ჯგუფები სამუშაო შეხვედრებს გამართავენ.