პროფესიული განათლების საგაზაფხულო მიღებაზე 8 558 აპლიკანტი დარეგისტრირდა, რაც გასული წლის იგივე პერიოდთან შედარებით 23%-ით მეტია. პროფესიულ სასწავლებლებში სტუდენტების მიღება წელიწადში ორჯერ, გაზაფხულსა და შემოდგომაზე ხდება. რეგისტრანტთა რაოდენობა ყოველწლიურად მატულობს.
2013 წელი – 12 876
2014 წელი – 15 379
2015 წელი – 17 547
2016 წელი – 20 136
2017 (მხოლოდ საგაზაფხულო მიღება) – 8 558
განათლების სამინისტროს ინფორმაციით, 2017 წლის საგაზაფხულო მიღებაზე ყველაზე მოთხოვნად პროფესიულ პროგრამათა ჩამონათვალში მზარეული, ბუღალტერი, სამკერვალო ნაწარმის სპეციალისტი, კონდიტერი, ინფორმაციული ტექნოლოგიების მხარდაჭერის სპეციალისტი და სტილისტი მოხვდა.
რეგიონების მიხედვით, რეგისტრანტთა ყველაზე მეტი აქტივობა თბილისში დაფიქსირდა. დედაქალაქის გარდა მაღალი აქტივობა იყო აჭარაში, იმერეთში, კახეთსა და ახალციხეში.
დარეგისტრირებულ აპლიკანეტებს, პროფსასწავლებლებში მოხვედრას პროფესიული ტესტირების წარმატებით გადალახვის შემდეგ შეძლებენ. ტესტირება 23 აპრილს ჩატარდება.
პროფესიული ტესტირება 23 აპრილს ჩატარდება – პროცედურები
მოამზადა მეგი კავთუაშვილმა