პრემიერ-მინისტრობის კანდიდატმა გიორგი გახარიამ საქართველოს პარლამენტს 2019-2020 წლების სამთავრობო პროგრამა წარუდგინა. დოკუმენტით ირკვევა, რომ პარლამენტის მიერ, გახარიას პრემიერად არჩევის შემთხვევაში, განათლება მთავრობის ერთ-ერთ პრიორიტეტულ მიმართულებად დარჩება.

გთავაზობთ გარკვეულ თეზისებს, რომლებიც სამთავრობო პროგრამაშია დასახელებული:

ადრეული და სკოლამდელი განათლება

სკოლამდელი სააღმზრდელო დაწესებულებები გარდაიქმნება სკოლამდელი განათლების დაწესებულებებად და დაიწყება განათლების ხარისხის სახელმწიფო სტანდარტების დანერგვა ბავშვების სასკოლო მზაობის უზრუნველსაყოფად.

სკოლამდელი აღზრდის დაწესებულებებში უზრუნველყოფილი იქნება ინკლუზიური და უსაფრთხო გარემო, აღსაზრდელების საუკეთესო ინტერესების დაცვა. გაძლიერდება სკოლამდელი განათლების სტანდარტების დანერგვის კონტროლის სისტემა. ეროვნულ დონეზე შეიქმნება სკოლამდელი განათლების ხარისხის შეფასების განვითარებისა და მართვის მოდელი და მექანიზმები.

გაგრძელდება ახალი ინფრასტრუქტურის შექმნა და არსებულის გაუმჯობესება. აღმზრდელ პედაგოგების პროფესიული სტანდარტის შესაბამისად ამოქმედდება კადრების მომზადებისა და გადამზადების სისტემა. დაიწყება აღმზრდელისა და აღმზრდელ პედაგოგის პროფესიების განვითარება, პროფესიაში ახალგაზრდა კვალიფიციური კადრების მოზიდვა.

სკოლამდელი აღზრდის ბავშვებისთვის მხარდაჭერილი იქნება სასკოლო მზაობის ჯგუფების ფუნქციონირება, როგორც საბავშვო ბაღების ისე სკოლების ბაზაზე.

ზოგადი განათლება

ზოგადი განათლების სისტემის ორიენტირი იქნება, მოსწავლეების მომავალი ცხოვრებისა და დემოკრატიული საზოგადოების მშენებლობისთვის მომზადება. ამ მიზნით სასწავლო პროცესში დაინერგება ისეთი მეთოდოლოგიები და სტრატეგიები, რომელიც უზრუნველყოფს სააზროვნო, შემოქმედებითი, ტექნოლოგიური და შრომითი უნარების განვითარებას, ჯანსაღი ცხოვრების წესის პოპულარიზაციას, როგორც ფორმალურ, ისე არაფორმალურ განათლებაში.

სამთავრობო პროგრამაში საუბარია „ახალი სკოლის მოდელზე“ და მის მიზნებზე. ასევე აღნიშნულია რომ სახელმწიფო იზრუნებს პედაგოგებზე მათი პრესტიჟის ამაღლებასა და ღირსეულ ანაზღაურებაზე. „ყოველწლიურად მოხდება,მათი კავლიფიკაციის შესაბამისად, ანაზღაურების ზრდა. სახელმწიფო უზრუნველყოფს მასწავლებლის უწყვეტი პროფესიული განვითარების მხარდაჭერას“, – ვკითხულობთ დოკუმენტში. იქვე აღნიშნულია, რომ განსაკუთრებული ყურადღება მიექცევა ინკლუზიური განათლების ხარისხისა და მასშტაბების გაძლიერებას და სპეციალური მასწავლებლების პროფესიულ განვითარებას. „მნიშვნელოვანი ინვესტიციები ჩაიდება სასკოლო-საგანმანათლებლო ინფრასტრუქტურის განვითარებასა და ახალი სკოლების მშენებლობაში“.

პროფესიული განათლება

პროფესიული განათლების რეფორმის ახალი ფაზა ქმნის სრულიად ახალ შესაძლებლობებს, გაიზრდება მოკლევადიანი მომზადება/გადამზადების სასერტიფიკატო პროგრამების რაოდენობა, რომელიც მიმართული იქნება ბაზრის საჭიროებებზე მორგებული ადამიანური რესურსის სწრაფ და ეფექტურ მომზადებაზე. პროფესიულ განათლებაში ზოგადსაგანმანათლებლო კომპონენტის ინტეგრირებით უზრუნველყოფილი იქნება პროფესიის შესწავლის პარალელურად, სრული ზოგადი განათლების მიღება. შედეგად შეიქმნება ზოგადი განათლებიდან პროფესიული განათლების საფეხურზე, ხოლო პროფესიულიდან უმაღლესი განათლების საფეხურზე გადასვლის შესაძლებლობა.

უმაღლესი განათლება

ეტაპობრივად დაინერგება უმაღლესი განათლების დაფინანსების სისტემის ახალი, შედეგებზე ორიენტირებული მოდელი, რომელიც უნივერსიტეტებს შესაძლებლობას მისცემს სტუდენტთა რაოდენობაზე ორიენტირებული მართვიდან, გადავიდნენ შედეგზე და ხარისხზე ორიენტირებულ მართვაზე. სახელმწიფო განსაკუთრებულად შეუწყობს ხელს უმაღლესი განათლების პროცესში თანამდროვე ტექნოლოგიების როლისა და მნიშვნელობის ზრდას, მათ შორის, დისტანციური განათლების კომპონენტის გაძლიერებას.

მოამზადა თამთა ვირსალაძემ

შეფასებისა და გამოცდების ეროვნულმა ცენტრმა, 2019 წლის ერთიანი ეროვნული გამოცდების სტატისტიკური ანალიზი გამოაქვეყნა. დოკუმენტში მოცემულია თუ რომელ საგანში რამდენით შემცირდა მინიმალური კომპეტენციის ზღვარი და აბიტურიენტების რამდენმა პროცენტმა შეძლო მისი გადალახვა.

სოციალურ ქსელში ერთგვარი აჟიოტაჟი გამოიწვია ქართული ენისა და ლიტერატურის I ვარიანტის გამსვლელი ქულის შემცირებამ, რომელიც 18-დან 9 -მდე დავიდა.

შეფასებისა და გამოცდების ეროვნული ცენტრის ქართული ენისა და ლიტერატურის საგნის ჯგუფის ხელმძღვანელი ნანა ლოლაძე ამბობს, რომ ბარიერის განახევრების მიზეზი, ტესტის სირთულე გახდა, რომელიც აბიტურიენტების დიდმა ნაწილმა არასწორად გაიგო.

„ქართული ენისა და ლიტერატურის ტესტის ოთხი ვარიანტიდან შედეგების მიხედვით სამი დაახლოებით თანაბარი სირთულისაა, ერთი კი, პირველი ვარიანტი, უფრო რთულად დასაძლევი აღმოჩნდა. ამის მიზეზი გახდა ის, რომ ტესტის მესამე დავალება აბიტურიენტების ერთმა ნაწილმა არასწორად გაიგო. მათ ორი მხატვრული ტექსტიდან უნდა შეერჩიათ და განეხილათ ერთ-ერთი. ეს მხატვრული ტექსტები იყო: გალაკტიონ ტაბიძის ლექსი მთაწმინდის მთვარე და ნაწყვეტი კოტე ჯანდიერის მოთხრობიდან „გლობალიზაცია“.

„აბიტურიენტთა ნაწილმა ყურადღებით არ წაიკითხა დავალების ინსტრუქცია და კოტე ჯანდიერის მოთხრობის სათაური „გლობალიზაცია“ ესეს დავალებად ჩათვალა, შესაბამისად, შემოთავაზებული დავალების ნაცვლად დაწერა არგუმენტირებული ესე ამ მოთხრობის მიხედვით. სხვათაშორის, ერთ-ერთმა აბიტურიენტმა გამოცდიდან გამოსვლის შემდეგ ჟურნალისტს განუცხადა, თითქოს ტექსტში ერთი კი არა, ორი არგუმენტირებული ესე იყო შეტანილი. აბიტურიენტთა დაბალი მაჩვენებელი ამ გარემოებამ განაპირობა, რაც აისახა საერთო შედეგზე“,- განაცხადა ნანა ლოლაძემ EDU.ARIS.GE-სთან საუბარში.

იხილეთ ქართული ენისა და ლიტერატურის გამოცდაზე გამოყენებული ტესტები

მისივე თქმით, მართალია წლიდან წლამდე მდგომარეობა უმჯობესდება, თუმცა აბიტურიენტებს დღემდე უჭირთ მხატვრული ტექსტების გააზრება და ასევე ჩანს, რომ ისინი საპროგრამო ნაწარმოებებსაც არ იცნობენ.

„ქართული ენისა და ლიტერატურის ტესტში სამი დავალებაა. ტექსტის რედაქტირებას აბიტურიენტები მეტ-ნაკლებად ართმევენ თავს. რაც შეეხება არგუმენტირებულ ესეს, ახალგაზრდების ნაწილი ჯერ კიდევ ვერ ახერხებს დავალებაში დასმული პრობლემის გააზრებასა და საკუთარი აზრის ჩამოყალიბებას, თუმცა ამ მხრივ ვითარება წლიდან წლამდე სულ უფრო უმჯობესდება. ტრადიციულად, აბიტურიენტებს შედარებით უჭირთ მხატვრული ტექსტის ანალიზი. ვფიქრობთ, ამის ერთ-ერთი მიზეზია ის, რომ ახალგაზრდები ნაკლებად კითხულობენ მხატვრულ ლიტერატურას, მეტიც, როგორც ნამუშევრებიდან ჩანს, ისინი არ იცნობენ საპროგრამო ნაწარმოებებსაც. ამ აბიტურიენტებს, ბუნებრივია, ასევე უჭირთ არასაპროგრამო ტექსტების გააზრება“, – განმარტავს ნანა ლოლაძე.

რატომ შეაქვს გამოცდაზე შეფასებისა და გამოცდების ეროვნული ცენტრს აბიტურიენტებისთვის ასე მკვეთრად განსხვავებული ტესტები – ეს ექპერიმენტის თუ გათვლების გარეშე მიღებული გადაწყვეტილების ბრალია ჩვენთვის უცნობია.

განახლებადი ინფორმაცია გამოცდების შესახებ

მოამზადა თამთა ვირსალაძემ

გთავაზობთ 2019 წლის მაგისტრანტობის კანდიდატების რეიტინგულ სიებს ტესტის ტიპის მიხედვით:

ტესტი A

ტესტი B

ტესტი C

დღეს გამოქვეყნდა 2019 წლის მაგისტრანტობის კანდიდატების რეიტინგული სია. ჩამონათვალში მოცემულია იმ აპლიკანტების საგამოცდო მონაცემები, რომლებმაც წარმატებით დაძლიეს საერთო სამაგისტრო გამოცდა და რომლებსაც შესაძლებლობა მიეცათ გააგრძელონ სწავლა სამაგისტრო პროგრამებზე სასურველ უმაღლეს სასწავლებელში.

გთავაზობთ 2019 წლის მაგისტრანტობის კანდიდატების რეიტინგულ სიებს ტესტის ტიპის მიხედვით

რაც შეეხება მაგისტრანტთა რანჟირებულ სიას, როგორც გამოცდების ეროვნული ცენტრში გვითხრეს, იმ მაგისტრების სია, რომლებმაც გრანტი მოიპოვეს, ნოემბრის თვეში გამოქვეყნდება.

ცნობისთვის, სამაგისტრო პროგრამებზე გაიცემა მხოლოდ 100%-იანი გრანტი, რომლითაც სწავლის ორივე წელი დაგიფინანსდებათ 2250 ლარის ოდენობით. 2019-2020 სასწავლო წლისათვის სახელმწიფო სასწავლო სამაგისტრო გრანტის წლიური მოცულობა კი განისაზღვრა 2 250 000 ლარით.

განახლებადი ინფორმაცია გამოცდების შესახებ

გამოქვეყნდა ინფორმაცია 2019 წლის საერთო სამაგისტრო გამოცდის ზედმეტად, შეცდომით გადახდლი თანხებისა და საგამოცდო ტესტის შეფასების შესახებ აპელაციის განხილვის საფასურის დაბრუნების თაობაზე.

მაგისტრობის მსურველებს, რომლებსაც აპელაციის შედეგად შეეცვალათ (მოემატათ ან დააკლდათ) შეფასება, განაცხადის საფუძველზე აპელაციისთვის გადახდილი თანხა უკან დაუბრუნდებათ.

განაცხადები მიიღება 2019 წლის 5 სექტემბრიდან 4 ოქტომბრის ჩათვლით.

• ქ. თბილისში – მინდელის ქ. N9, 10:00 სთ-დან – 18:00 სთ-მდე.
• რეგიონებში – საგანმანათლებლო რესურსცენტრებში.

განმცხადებელმა თან უნდა იქონიოს:

• პირადობის დამადასტურებელი დოკუმენტი და მისი ასლი;
• ბანკის მიერ გაცემული საბანკო რეკვიზიტები, რომლებშიც მითითებული იქნება ბანკის კოდი, ანგარიშის ნომერი და ანგარიშის დასახელება;
• იმ შემთხვევაში, თუ განმცხადებელი სხვა პირია – კანონიერი წარმომადგენლის დამადასტურებელი დოკუმენტი.

იხ. განაცხადის ფორმა

გაითვალისწინეთ! – იმ შემთხვევაში, თუ საპრეტენზიო განაცხადის განხილვის საფასური გადახდილია: საბანკო დაწესებულებაში ან ინტერნეტ ბანკინგის საშუალებით, საფასური დაბრუნდება მხოლოდ გადამხდელის ანგარიშზე; გადახდის შესაძლო სხვა საშუალებების (თვითმომსახურების ტერმინალისა ან ვებგვერდის) გამოყენებით, საფასური დაბრუნდება მხოლოდ აპლიკანტის ანგარიშზე.

მაგისტრანტობის კანდიდატების რეიტინგული სია გამოქვეყნდა – გამოცდები 2019

გორის სახელმწიფო სასწავლო უნივერსიტეტში 2019-2020 სასწავლო წელი 16 სექტემბერს დაიწყება. როგორც უნივერსიტეტის რექტორი, გიორგი სოსიაშვილი აცხადებს, უმაღლესი საგანმანათლებლო დაწესებულების სტუდენტებს რიგი სიახლეები დახვდებათ. გთავაზობთ უნივერსიტეტის რექტორის ინტერვიუს.

– 2019 -2020 სასწავლო წელს რა სიახლეები დახვდებათ სტუდენტებს/აბიტურიენტებს?

– გორის სახელმწიფო სასწავლო უნივერსიტეტის სტრატეგიული გეგმა სწორედ სტუდენტების მხარდაჭერის სერვისებზეა მორგებული. თითოეული სამსახური, ფაკულტეტების თანამშრომლები  ზრუნავენ არამარტო ხარისხიან განათლებაზე, არამედ სტუდენტებისათვის დამატებით მომსახურებაზე.

ჩვენ ცალკე შევქმენით სტუდენტური მხარდაჭერის ცენტრი, რომლის მიზანია ყოველდღიურად იზრუნოს თითოეული სტუდენტის აკადემიურ, თუ შემოქმედებით განვითარებაზე, მიაწოდოს მათ  ინფორმაცია სხვადასხვა სიახლეებზე. დაეხმაროს სტუდენტური პროექტების განხორციელებაში.

ვგეგმავთ დავაფინანსოთ სტუდენტების მიერ წარმოდგენილი პროექტები, რომლებიც მათ დამატებით მოტივაციას შეუქმნის. ეს იქნება, სამეცნიერო და შემოქმედებითი პროექტები, რაც სტუდენტურ ცხოვრებას კიდევ უფრო გაამრავალფეროვნებს.

სტუდენტთა დახმარების მიზნით შეიქმნა ტუტორების სისტემა. მინდა, რომ თითოეული სტუდენტის პოტენციალი იქნას გამოყენებული ჩვენი რეგიონისთვის და ამ მხრივ ძალიან ბევრს ვმუშაობთ.

– 2019 -2020 სასწავლო წელს რა სიახლეები იგეგმება აკადემიური პერსონალისთვის?

– რიგი სიახლეები იქნება აკადემიური პერსონალისთვისაც. ვფიქრობ, რომ გავაძლიეროთ კათედრები, ხელი შევუწყოთ სამეცნიერო მუშაობის გაფართოვებას, გავზარდოთ კვლევითი პროექტების დაფინანსება, საერთაშორისო პროექტებში ჩვენი პროფესორ-მასწავლებლების ჩართულობა. პროფესორებს მივცემთ საშუალებას მიიღონ უცხოური გამოცდილება. ევროპის ბევრ სასწავლებელთან ვართ დამეგობრებული და ვგეგმავთ მათთან გაფორმებული ურთიერთთანამშრომლობის მემორანდუმების ფარგლებში ხელი შევუწყოთ აკადემიური პერსონალის გაცვლით პროგრამების განხორციელებას. გავაგრძელებთ შიდა საუნივერსიტეტო გრანტების დაფინანსებას, რაც კიდევ უფრო გაზრდის პროფესორ-მასწავლებლების მოტივაციას.

– რა სიახლეები გაქვთ საერთაშორისო პროგრამების მიმართულებით?

– ,,ამ მიმართულებითაც ბევრი სიახლე გვაქვს. 2019-2020 სასწავლო წლისათვის გორის სახელმწიფო სასწავლო უნივერსიტეტმა წარმატებული ნაბიჯები გადადგა ინსტიტუციური ინტერნაციონალიზაციის ჭრილში. გორის უნივერსიტეტმა ურთიერთთანამშრომლობის მემორანდუმი გააფორმა ევროპის უმაღლეს საგანმანათლებლო დაწესებულებებთან, რომლებიც ითვალისწინებს  სტუდენტებისა და აკადემიური პერსონალის მობილობას, უცხოელ პარტნიორებთან ერთად სამეცნიერო/აკადემიური ღონისძიებების ჩატარებას და ერთობლივ სასწავლო პროგრამების განხორციელებას. Erasmus +-ის მობილობის პროგრამის ფარგლებში გორის სახელმწიფო სასწავლო უნივერსიტეტი ითანამშრომლებს შემდეგ უნივერსიტეტებთან: კაზიმირ დიდის საერთაშორისო უნივერსიტეტი (პოლონეთი), კარამანმარას სუტკუ იმამის უნივერსიტეტი  (თურქეთი), სლუბსკის პომერანიის უნივერსიტეტი (პოლონეთი), ოპოლეს ტექნოლოგიური უნივერსიტეტი (პოლონეთი), რომის ტელემატიკის საერთაშორისო უნივერსიტეტი (იტალია), ტრავნას წმ. კირილის უნივერსიტეტი (სლოვაკეთი), ბიდგოშჩის ტექნოლოგიის უნივერსიტეტი (პოლონეთი), გოიასის კათოლიკური უნივერსიტეტი (ბრაზილია),სამსუნის 19 მაისის უნივერსიტეტი (თურქეთი)“, ვარშავის უნივერსიტეტი (პოლონეთი), ვარნას უნივერსიტეტი (ბულგარეთი), სტამბულის მალთეფეს უნივერსიტეტი (თურქეთი).

Erasmus +-ის ინსტიტუციონალური განვითარების პროგრამის ფარგლებში გორის სახელმწიფო სასწავლო უნივერსიტეტი მონაწილეობას მიიღებს პროექტში “უნივერსიტეტების როლი რეგიონალური განვითარების პროცესში”. ვგეგმავთ   ჩვენს პარტნიორ უმაღლეს სასწავლებლებთან ერთად ტურიზმის ფორუმის ჩატარება ქ. გორში.

– მოწვეული ლექტორები თუ გეყოლებათ უნივერსიტეტში?

– ,,გორის უნივერსიტეტის სლოგანია: „ცოდნა ცხოვრებისთვის“, ეს ნიშნავს მაღალკვალიფიციური, კონკურენტუნარიანი კადრების მომზადებას. ჩვენ არ ვართ ორიენტირებული მხოლოდ რეგიონზე, ჩვენ ვამზადებთ სპეციალისტებს, რომლებიც დააკმაყოფილებენ საერთაშორისო შრომითი ბაზრის მოთხოვნებს. უნივერსიტეტის აკადემიური პერსონალი, ადგილობრივი და დედაქალაქიდან მოწვეული მაღალი დონიის სპეციალისტები  ქმნიან სწორედ ამის გარანტიას.

– ბოლო მონაცემებით, თქვენი უნივერსიტეტის კურსდამთავრებულთა რამდენი პროცენტია დასაქმებული?

– სისტემატიურად ვატარებთ კვლევას შრომითი ბაზრის შესწავლის მიზნით, ვქმნით მონაცემთა ბაზას. მჭიდრო ურთიერთობა გვაქვს დამსაქმებლებთან. ამ  ადამიანების ჩართულობით მომზადდა ის პროგრამები, რომლებიც აკრედიტაციისთვის წარვადგინეთ ხარისხის განვითარების ეროვნულ ცენტრში. ყოველ წელს გამოსაშვებ საღამოზე თითოეული კურსდამთავრებულის მონაცემები გადაეცემათ მოწვეულ დამსაქმებლებს, როგორც სახელმწიფო ასევე კერძო, სექტორის წარმომადგენლებს, რაც აისახება დასაქმების მაჩვენებელზე. ჩვენ მიერ განხორციელებული კვლევა გვიჩვენებს, რომ უნივერსიტეტის კურსდამთავებულებთა  50% დასაქმებულია.  მომზადებულ კადრზე ყოველთვის არის მოთხოვნა. თანდათან იზრდება დამსაქმებლების მხრიდან სხვადასხვა პროგრამაში ჩართულობა.

გვინდა, ვისარგებლოთ შემთხვევით და მადლობა გადავუხადოთ სახელმწიფო რწმუნებულს შიდა ქართლის მხარეში ბატონ გიორგი ხოჯევანიშვილს, რომელიც თითოეული სტუდენტის ბედით არის დაინტერესებული და არაერთი ახალგაზრდული პროექტის მხარდამჭერია. ხელს გვიწყობს სტუდენტების დასაქმების მიზნით სხვადასხვა აქტივობის განხორციელებაში.

– როგორია უნივერსიტეტის მატერიალურ-ტექნიკური შესაძლებლობები?

– 2020 წელს გვიწევს ავტორიზაცია და, შესაბამისად, ავტორიზაციის სამზადისი უკვე დაწყებულია. გორის უნივერსიტეტის ხუთივე კორპუსი აღჭურვილია თანამედროვე მატერიალური-ტექნიკური საშუალებებით, გამართულია ინფრასტრუქტურა, ადაპტირებულია გარემო. არსებული მოთხოვნების შესაბამისად, ავტორიზაციის სტანდარტების გათვალისწინებით ხდება სისტემატურად მატერიალური და ტექნიკური ბაზის გადახალისება, ინფრასტრუქტურის განვითარება.

დასრულდა საერთო საცხოვრებელი, რომელიც მოემსახურება როგორც ადგილობრივ, ისე უცხოელ  სტუდენტებს.

ვიწყებთ უნივერსიტეტის მუზეუმის შექმნას, რომელშიც მონაწილეობას მიიღებენ ჩვენი კურსდამთავრებულები: სპორტსმენები, ბიზნესმენები…

ვგეგმავთ სამკითხველო სივრცეების მოწყობას. ახალგაზრდული ცენტრის შექმნას და სხვ.

– ამ ეტაპზე თუ გადის თქვენი რომელიმე საგანმანათლებლო პროგრამა აკრედიტაციას და რა უნდა იცოდნენ აბიტურიენტებმა/სტუდენტებმა ამ პროცესისა და პროგრამის შესახებ?

– ,,ჩვენ გვიწევს ყველა პროგრამის აკრედიტაცია. ხარისხის განვითარების ეროვნულ ცენტრში წარდგენილია საბაკალავრო და სამაგისტრო პროგრამები და ვიმედოვნებთ, რომ ყველა პროგრამა წარმატებით გაივლის აკრედიტაციას, უნივერსიტეტის თითოეულმა თანამშრომელმა დიდი ძალისხმევა გაწია პროგრამების აკრედიტაციის სამზადისში და ვფიქრობთ, რომ ეს ყველაფერი შედეგზე აისახება. ჩვენ სტუდენტებს სწორედ მაღალ დონეზე მომზადებულ ევროპული სტანდარტების მქონე საბაკალავრო და სამაგისტრო პროგრამებს ვთავაზობთ. გვინდა დიდი მადლობა გადავუხადოთ საქართველოს განათლების, მეცნიერების, კულტურისა და სპორტის სამინისტროს მხარდაჭერისათვის, წელს 60 ადამიანი დაფინანსდა სხვადასხვა სპეციალობებზე, რაც კიდევ უფრო წაადგება გორის სახელმწიფო სასწავლო უნივერსიტეტში პრიორიტეტული პროგრამის განვითარებას.

– რას ეტყვით მომავალ სტუდენტებს?  

– შედეგი მიიღწევა მხოლოდ დაუღალავი შრომით და სწავლით. გორის უნივერსიტეტში არის არაჩვეულებრივი გარემო, როგორც მატერიალურ-ტექნიკური, ისე აკადემიური თვალსაზრისით. აქ ასწავლიან აღიარებული პროფესორები. მათ შეუძლიათ სტუდენტებს მისცენ თანამედროვე ევროპული ტიპის, განათლება. მე ყველა სტუდენტს ვურჩევ გამოიყენოს ეს შესაძლებლობა. გამოიყენოს გორის სახელმწიფო სასწავლო უნივერსიტეტის ის ურთიერთობები, რაც ევროპის წამყვან სასწავლებლებთან გვაკავშირებს. ყველა სტუდენტს ეძლევა თანაბარი საშუალება, მონაწილეობა მიიღონ გაცვლით პროგრამებში, ეს დასაქმების კიდევ უფრო მეტ შანს აძლევს ჩვენს სტუდენტებს.

– როგორია თქვენი უნივერსიტეტის სამომავლო გეგმები?

– გვინდა, რომ გორის უნივერსიტეტის საერთაშორისო ურთიერთობები კიდევ უფრო გავაფართოვოთ, რაც გაზრდის ჩვენს საერთაშორისო ცნობადობას და რეიტინგს. როგორც აღვნიშნეთ, ჩვენ გვაქვს მჭიდრო თანამშრომლობა ევროპის წამყვან უმაღლეს სასწავლებლებთან, ეს შესაძლებლობები არაერთმა სტუდენტმა უკვე გამოიყენა.

ვგეგმავთ ასევე უნივერსიტეტში ახალი პროგრამების შექმნას როგორიცაა: 300-კრედიტიანი, ქართული ფილოლოგიის, ისტორიის, ბიოლოგიის, მათემატიკის, უცხო ენების პროგრამები.

ჩვენი მიზანია, რომ გორის უნივერსიტეტი გადაიქცეს უცხოელი სტუდენტებისთვის მიმზიდველ სასწავლებლად. გვაქვს უცხოენოვანი პროგრამა საინფორმაციო ტექნოლოგიებში და ამ მხრივ, კიდევ ვგეგმავთ სხვა პროგრამების შექმნას, ერთობლივ მოკლევადიან პროგრამებს რომის საერთაშორისო ტელემატიკის უნივერსიტეტთან,  რაც გორში უცხოელი სტუდენტების მოზიდვის საწინდარი გახდება.

გორის სახელმწიფო სასწავლო უნივერსიტეტი

2019 წლის მასწავლებლის გამოცდების შედეგები ცნობილია, დასრულდა აპელაციის პროცესიც. მასწავლებლის 60-კრედიტიან მოსამზადებელ პროგრამაზე მიღების ვადები კი ჯერჯერობით ცნობილი არაა. ასევე უცნობია, თუ რამდენი კვოტაა გამოყოფილი სასწავლებლებში. როგორც განათლების სამინისტროში აცხადებენ, ეს ინფორმაცია მას შემდეგ გახდება ცნობილი, რაც დაწესებულებები ანკეტა-კითხვარებს წარადგენენ განათლების მართვის საინფორმაციო სისტემაში  და დადასტურების პროცესის დასრულდება.

სსიპ – განათლების მართვის საინფორმაციო სისტემის უფროსის 2019 წლის 23 აგვისტოს N1.1/108 ბრძანებით, დამტკიცდა უმაღლესი საგანმანათლებლო დაწესებულებების მიერ წარმოსადგენი ანკეტა-კითხვარისა და მასწავლებლის მომზადების პროგრამაზე ჩარიცხული პირების შესახებ წარმოსადგენი ინფორმაციის ფორმები და უმაღლესი საგანმანათლებლო დაწესებულებების მიერ ანკეტა-კითხვარების წარმოდგენის ვადები.

აღნიშნული ვადა განისაზღვრა 2019 წლის 2 სექტემბრიდან 6 სექტემბრის ჩათვლით. აღნიშნულის შემდგომ მართვის სისტემა ანკეტა-კითხვარებში ასახული ინფორმაციის სისწორეს ამოწმებს შვიდი სამუშაო დღის ვადაში. შესაბამისად, რომელი დაწესებულების მიერ განხორციელდება მასწავლებლის მომზადების პროგრამაზე გამოცხადების მიღება, რა მოდულებს გააერთიანებს აღნიშნული პროგრამები, რა იქნება მისაღები ადგილების რაოდენობა და ამ პროგრამებზე ჩარიცხული რამდენი პირი დაფინანსდება, ცნობილი გახდება დაწესებულებების მიერ ანკეტა-კითხვარების წარმოდგენისა და დადასტურების პროცესის დასრულების შემდგომ.

ამასთან, წარმოდგენილი ანკეტა-კითხვარების დადასტურების შემდგომ, უმაღლესი საგანმანათლებლო დაწესებულებები თავად განსაზღვრავენ მიღების გამოცხადების მიზნით, აპლიკანტებისთვის რეგისტრაციის თარიღებს, ადგენენ შესაბამის გამოცდებს და უზრუნველყოფენ მსურველთა ჩარიცხვას მასწავლებლის მომზადების პროგრამებზე.

,,რაც შეეხება 2019-2020 სასწავლო წლისთვის მასწავლებლის მომზადების საგანმანათლებლო პროგრამაზე ჩარიცხულ პირთა დაფინანსების მოცულობასა და ოდენობას, გაცნობებთ, რომ ამ ეტაპზე მიმდინარეობს მთავრობის მიერ კონკრეტული ოდენობისა და უმაღლესი საგანმანათლებლო დაწესებულებებისთვის კვოტების დამტკიცების პროცესი“, – აღნიშნულია განათლების სამინისტროს მიერ EDU.ARIS.GE-სთვის გამოგზავნილ წერილში.

როგორც ცნობილია, მასწავლებლის მომზადების საგანმანათლებლო პროგრამაზე ჩარიცხვის საფუძველს საგნის გამოცდის წარმატებით ჩაბარება და უმაღლესი საგანმანათლებლო დაწესებულების მიერ განსაზღვრული გამოცდის ჩაბარება წარმოადგენს.

„მასწავლებლის მომზადების საგანმანათლებლო პროგრამებზე მიღებისათვის შესაბამისი მოთხოვნები და მიღების წინაპირობები დადგენილია საქართველოს განათლებისა და მეცნიერების მინისტრის 2016 წლის 5 სექტემბრის N111/ნ ბრძანებით. მასწავლებლის მომზადების საგანმანათლებლო პროგრამის გავლის უფლება აქვს არანაკლებ ბაკალავრის ან მასთან გათანაბრებული აკადემიური ხარისხის ან შესაბამისი სამხედრო/სასპორტო პროფესიული განათლების მქონე პირს. მასწავლებლის მომზადების საგანმანათლებლო პროგრამაზე ჩარიცხვის საფუძველია: ა) საგნის გამოცდის წარმატებით ჩაბარება; ბ) უმაღლესი საგანმანათლებლო დაწესებულების მიერ განსაზღვრული გამოცდის ჩაბარება“, – აღნიშნავენ სამინისტროში.

განათლების სამინისტროს ცნობით, უმაღლესი საგანმანათლებლო დაწესებულებების რეესტრის მონაცემების თანახმად, მასწავლებლის მომზადების საგანმანათლებლო პროგრამას წელს ახორციელებენ შემდეგი უმაღლესი საგანმანათლებლო დაწესებულებები:

სსიპ – ივანე ჯავახიშვილის სახელობის თბილისის სახელმწიფო უნივერსიტეტი,
სსიპ – ილიას სახელმწიფო უნივერსიტეტი,
სსიპ – აკაკი წერეთლის სახელმწიფო უნივერსიტეტი,
სსიპ – ბათუმის შოთა რუსთაველის სახელმწიფო უნივერსიტეტი,
სსიპ – სოხუმის სახელმწიფო უნივერსიტეტი,
სსიპ – იაკობ გოგებაშვილის სახელობის თელავის სახელმწიფო უნივერსიტეტი,
სსიპ – გორის სახელმწიფო სასწავლო უნივერსიტეტი,
სსიპ – სამცხე – ჯავახეთის სახელმწიფო უნივერსიტეტი,
სსიპ – ვანო სარაჯიშვილის სახელობის თბილისის სახელმწიფო კონსერვატორია,
სსიპ – შოთა მესხიას ზუგდიდის სახელმწიფო სასწავლო უნივერსიტეტი,
სსიპ – საქართველოს ფიზიკური აღზრდისა და სპორტის სახელმწიფო სასწავლო უნივერსიტეტი,
სსიპ – ბათუმის ხელოვნების სასწავლო უნივერსიტეტი,
შპს – საქართველოს უნივერსიტეტი,
შპს – შავი ზღვის საერთაშორისო უნივერსიტეტი,
შპს – გრიგოლ რობაქიძის სახელობის უნივერსიტეტი,
შპს – აღმოსავლეთ ევროპის უნივერსიტეტი,
შპს – ევროპის უნივერსიტეტი.
ა(ა)იპ – საქართველოს საპატრიარქოს წმინდა სახელობის სასწავლო უნივერსიტეტი,
ა(ა)იპ – საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტი.

ასევე იხილეთ: 

მაძიებლობის თუ მასწავლებლის მომზადების 60-კრედიტიანი პროგრამა – რომელი უნდა აირჩიოს მსურველმა?

სკოლაში მუშაობის დაწყების მსურველთათვის ელექტრონული რეგისტრაციის გავლა სავალდებულო გახდა

მასწავლებლობის მაძიებელთა პროგრამა და მასწავლებლობის მაძიებლობის პერიოდის გავლის წესი დამტკიცდა – დეტალები

მოამზადა ცისანა შერგილაშვილმა

განათლების ხარისხის განვითარების ეროვნული ცენტრის ინფორმაციით, 2019 წლის 30 აგვისტოს საზოგადოებრივ კოლეჯ შპს ქუთაისის სამედიცინო სასწავლებელს გაუვიდა ავტორიზაციის ვადა.

აღნიშნული საგანმანათლებლო დაწესებულების პროფესიულ სტუდენტებს 2019 წლის 30 აგვისტოდან 5 წლის ვადით შეუჩერდათ სტუდენტის სტატუსი და ამ პერიოდში უფლებამოსილნი არიან კანონმდებლობით დადგენილი წესით ისარგებლონ მობილობის უფლებით და გადავიდნენ პროფესიული საგანმანათლებლო პროგრამების განმახორციელებელ სხვა საგანმანათლებლო დაწესებულებაში პროფესიულ საგანმანათლებლო პროგრამაზე, მათ შორის, სხვა მხოლოდ პროფესიული სტანდარტის საფუძველზე შექმნილ პროფესიულ საგანმანათლებლო პროგრამაზე.

შავი ზღვის საერთაშორისო უნივერსიტეტი მოქმედ ან მომავალ მასწავლებლებს იწვევს განათლების ხარისხის განვითარების ეროვნული ცენტრის მიერ აკრედიტებულ ერთწლიან, 60-კრედიტიან მასწავლებლის მომზადების საგანმანათლებლო პროგრამაზე.

პროგრამა მიზნად ისახავს ინგლისური ენის საწყისი, საბაზისო და საშუალო საფეხურის მასწავლებლის ან საბაზისო და საშუალო საფეხურის მათემატიკის მასწავლებლების მომზადებას. მაღალკვალიფიციური განათლების სპეციალისტები, მდიდარი აკადემიური და სამეცნიერო წყაროები, სტუდენტზე ორიენტირებული გარემო უზრუნველყოფს პროგრამაზე ჩარიცხული კანდიდატებისათვის ხარისხიანი განათლების მიცემას, რომელიც პასუხობს თანამედროვე სტანდარტებსა და მოთხოვნებს.

სწავლის ღირებულება

• ინგლისური ენის მასწავლებელი – 2250 ლარი
• მათემატიკის მასწავლებელი – 2150 ლარი

სწავლების ენა: პროგრამის სწავლების ენა არის ინგლისური.

პროგრამაზე ჩარიცხვა და დაფინანსება

პროგრამაზე შესაძლებელია 30 სტუდენტის ჩარიცხვა – 25 ინგლისური ენისა და 5 მათემატიკის მასწავლებლის პროგრამაზე. ორივე მიმართულების (ინგლისური ენის ან მათემატიკის მასწავლებელი) აპლიკანტებიდან 20 კანდიდატს ეძლევა შესაძლებლობა საკუთარი განათლების დასაფინანსებლად მოიპოვოს სახელმწიფო გრანტი. გრანტი გაიცემა კონკურსის საფუძველზე: წერილობითი გამოცდა – სამოტივაციო წერილი.

მასწავლებლის მომზადების საგანმანათლებლო პროგრამაზე ჩარიცხვის საფუძველია:

ა) შესაბამის საგნის გამოცდის (ინგლისური ენა ან მათემატიკა) ჩაბარება შეფასებისა და გამოცდების ეროვნულ ცენტრში;

ბ) შავი ზღვის საერთაშორისო უნივერსიტეტის მიერ განსაზღვრული გამოცდის ჩაბარება.

ორივე ეტაპის წარმატებით გავლის შედეგად აპლიკანტი ჩაირიცხება მასწავლებლის მომზადების საგანმანათლებლო პროგრამაზე.

სახელმწიფო გრანტი მიენიჭება შავი ზღვის საერთაშორისო უნივერსიტეტის მიერ განსაზღვრული გამოცდის შედეგების საფუძველზე შექმნილი რანჟირების დოკუმენტში შეყვანილ პირველ ოც (20) აპლიკანტს.

რეგისტრაციის ვადა და საჭირო დოკუმენტაცია

პროგრამაზე ჩარიცხვის მსურველებმა საჭირო დოკუმენტაცია უნდა წარმოადგინონ შავი ზღვის საერთაშორისო უნივერსიტეტში ადმინისტრაციული შენობის 302-ე ოთახში (შავი ზღვის საერთაშორისო უნივერსიტეტი, აღმაშენებლის ხეივანი, მე-13 კმ, #2, ადმინისტრაციული შენობა, მე-3 სართული) სამუშაო დღეებში 9:00 სთ-დან 17:00 სთ-მდე 2019 წლის 12 სექტემბრიდან 16 სექტემბრის ჩათვლით.

საჭირო დოკუმენტაცია:

• განაცხადი (შეივსება ადგილზე);
• ბაკალავრის, მაგისტრის და/ან მათთან გათანაბრებული აკადემიური ხარისხის დამადასტურებელი დიპლომის სანოტარო წესით დამოწმებული ასლი;
• უცხო ქვეყნის უმაღლესი საგანმანათლებლო დაწესებულების მიერ გაცემული აკადემიური ხარისხის დამადასტურებელი დოკუმენტის შემთხვევაში, აპლიკანტმა უნდა წარმოადგინოს ცნობა უცხოეთში მიღებული განათლების აღიარების შესახებ სსიპ – განათლების ხარისხის განვითარების ეროვნული ცენტრიდან და კვალიფიკაციის დამადასტურებელი დოკუმენტის
• სანოტარო წესით დამოწმებული თარგმანი;
• პირადობის მოწმობის ასლი;
  2 ფოტოსურათი (3X4);
• ფოტო CD დისკზე;
• რეზიუმე ქართულ და ინგლისურ ენებზე;
• სამხედრო აღრიცხვაზე ყოფნის დამდასტურებელი დოკუმენტი (სამხედრო აღრიცხვას დაქვემდებარებულ პირთათვის);
• საგნის გამოცდის წარმატებით ჩაბარების დამადასტურებელი სერტიფიკატი;
• უნივერსიტეტის მიერ განსაზღვრული გამოცდა.

გამოცდა ჩატარდება წერილობითი ფორმით ინგლისურ ენაზე: სამოტივაციო წერილი (500-600 სიტყვა). გამოცდის ხანგრძლივობა 90 წუთი.

გამოცდა ჩატარდება 2019 წლის 18 სექტემბერს, 11:00 სთ-ზე შავი ზღვის საერთაშორისო უნივერსიტეტში (ადმინისტრაციული შენობა, მე-4 სართული, A402-ე აუდიტორია).

გამოცდის შედეგები

გამოცდის შედეგები აპლიკანტებს ეცნობებათ ელექტრონული ფოსტის მეშვეობით 23 სექტემბერს. შედეგები ასევე დაიდება უნივერსიტეტის ვებ-გვერდზე.

აპლიკანტებთან ხელშეკრულების გაფორმება

შავი ზღვის საერთაშორისო უნივერსიტეტის მიერ განსაზღვრული გამოცდის წარმატებით ჩაბარების შემთხვევაში აპლიკანტებთან გაფორმდება ხელშეკრულება.

დამატებითი დეტალები იხილეთ ბმულზე.

პარლამენტში სამთავრობო პროგრამის განხილვის პარალელურად ვრცელდება ინფორმაცია, რომ გარკვეული უწყებების და სამინისტროების გაერთიანება ან გაყოფა იგეგმება, მათ შორის საუბარია განათლების სამინისტროსგან კულტურის სამინისტროს განცალკევებაზე.

პარლამენტის განათლების, მეცნიერების და კულტურის კომიტეტის თავმჯდომარე მარიამ ჯაშის თქმით, თუ ეს დაყოფა მოხდება, შესაძლებელია კულტურის სამინისტროს ტურიზმის დეპარტამენტი შეუერთდეს, რომელ უწყებაში მოიაზრებს სპორტს, დეპუტატს ამის შესახებ არ უსაუბრია.

მარიამ ჯაშის განცხადებით, ჯერ კიდევ შარშან, როდესაც ორი უწყების გაერთიანება ხდებოდა, ის მსგავსი ინტეგრაციის წინააღმდეგი იყო, თუმცა უმრავლესობამ მაშინდელი პრემიერის ინიციატივას მხარი დაუჭირა.

„გაერთიანებასთან დაკავშირებით მოსალოდნელი იყო, როგორც ადმინისტრაციული პრობლემები, ასევე განსაკუთრებით კულტურის სფეროს წარმოჩინებისთვის შესაძლებლობების შემცირება. ერთადერთი პოზიტიური შედეგი, რაც ცალსახად გაერთიანებამ გამოიწვია, გახლავთ სახელოვნებო და სპორტული განათლების მიმართულებით მართვის და პოლიტიკის შემუშავების პროცესების ჰარმონიზაცია. მაგრამ საქართველოსთვის, ისევე როგორც დიდი ცივილიზაციის სხვა ქვეყნებისთვის ვფიქრობ კულტურის უწყების ცალკე სამინისტროდ ფუნქციონირება არის მნიშვნელოვანი.

“თუკი მთავრობის დონეზე მოხდება პოზიციის შეჯერება, მე მხოლოდ ხელს შევუწყობ კულტურის სფეროს გამოყოფას გაერთიანებული უწყებიდან. შესაძლებელია ვიფიქროთ კულტურის და შესაძლებელია ტურიზმის ადმინისტრაციის გაერთიანებაზე, რადგან ბევრ ქვეყანაში არის მსგავსი პრაქტიკა. ჩვენი კულტურის წარმატებები მნიშვნელოვნად არის განპირობებული კულტურული მემკვიდრეობის უპირატესობებიდან. ჩვენი ტურისტების 75% პრაქტიკულად სტუმრობს საქართველოს სწორედ კულტურული მემკვიდრეობის და კულტურული ღონისძიებების გამო“,- განაცხადა დეპუტატმა „პალიტრა ნიუსის“ ეთერში.

განათლების და მეცნიერების სამინისტროს, კულტურის და სპორტის სამინისტროების შერწყმა დაახლოებით ერთი წლის წინ, ყოფილი პრემიერის მამუკა ბახტაძის „მცირე მთავრობის კონცეფციის“ ფარგლებში განხორციელდა.

თ.ვ.

2019 წლის 5 ოქტომბერს მასწავლებლის საერთაშორისო დღეს, წლის საუკეთესო მასწავლებელი გამოვლინდება. მასწავლებლის ეროვნული ჯილდოს სპეციალურმა ჟიურიმ 10 საუკეთესო პრეტენდენტიდან ფინალურ ეტაპზე ხუთი კანდიდატურა შეარჩია. ესენი არიან:

გიორგი ჭაუჭიძე

მუშაობს ქალაქ მარნეულის მეორე საჯარო სკოლაში ქართული ენისა და ისტორიის მასწავლებლად. იგი ოც წელზე მეტია მასწავლებელია და მათგან თხუთმეტი წლის განმავლობაში სხვადასხვა არაქართულენოვან სკოლაში ასწავლის, ძირითადად ეთნიკურ სომხებსა და ეთნიკურ აზერბაიჯანელებს. გიორგის მიაჩნია, რომ ქართული საგანმანათლებლო სისტემის ყევლაზე აქტუალური სფერო სწორედ არაქართულენოვანი სკოლებია.

ნათია კურტანიძე

მან პედაგოგიური საქმიანობა 22 წლის ასაკში დაიწყო და დღემდე მუშაობს საოკუპაციო ხაზის მიმდებარე სოფელში, გორის მუნიციპალიტეტის სოფელ ქვეშის საჯარო სკოლაში დაწყებითი საფეხურისა და ინფორმაციულ-საკომუნიკაციო ტექნოლოგიების მასწავლებლად. 2018 წელს, სულ მოკლე პერიოდში, მან ორჯერ შეიცვალა სტატუსი და  გახდა ჯერ წამყვანი, შემდეგ  მენტორი მასწავლებელი. არის MICROSOFT-ის ინოვაციური მასწავლებელი-ექსპერტი და მასტერ-ტრენერი, ტექნოლოგიების ქოუჩის სტატუსით მონაწილეობს პროექტში ,,ახალი სკოლის მოდელი’’. არის არაერთი საინტერესო მოხსენების, მეთოდური სტატიისა თუ საგანმანათლებლო რესურსის ავტორი.

მაია მენაბდე

ასწავლის ბათუმის N3 საჯარო სკოლასა და კერძო სკოლა ,,განათლებაში“. მისი მოღვაწეობის მთავარი განმსაზღვრელი პრინციპია: მეტი თავისუფლება და პასუხისმგებლობა ბავშვებს,  რადგან ადამიანმა ბავშვობიდანვე უნდა გაითავისოს, რომ თავისუფლებას დამსახურება უნდა და მისი მოპოვების შემდეგ პასუხისმგებლობაც იზრდება.თვლის, რომ ბავშვის სწორად განვითარებისთვის აუცილებელია სამი რამ: სჯეროდეს, რომ უფროსები მის აზრს ნებისმიერ სიტუაციაში მოისმენენ და  გაითვალისწინებენ; არ ეშინოდეს შეცდომის დაშვების და სწორედ უფროსების დახმარებით უნდა შეძლოს, ეს შეცდომა პიროვნული ზრდისთვის გამოიყენოს; მაქსიმალურად მიეცეს საშუალება, გამოავლინოს და განავითაროს თავისი ფანტაზია.

თამარ ადამია

მუშაობს დმანისის მუნიციპალიტეტის სოფელ მაშავერას და თბილისის N26-ე საჯარო სკოლაში სახვითი და გამოყენებითი ხელოვნების მასწავლებლად. თამარის პედაგოგიური პრაქტიკა გამორჩეულია, რადგან ფსიქოლოგად, მასწავლებლად და ტრენერად მუშაობის გამოცდილება ეხმარება მარტივად შეძლოს ღირებულებებზე დაფუძნებული სწავლება. მაგალითად: მოსწავლეებში ეკოცნობიერების ასამაღლებლად გეგმავს ორიგინალურ ეკო გამოფენებს, წიგნიერების დონის ასამაღლებლად საბავშვო საგანმანათლებლო წიგნების პრო­ექტებს, შემოქმედებითობის გასავითარებლად-გამოფენებსა და სატელევიზიო მასტერ­კლასებს. მოსწავლეებს ასწავლის განსხვავებულად შეხედონ უკვე არასაჭირო ნივთს და აღმოაჩინონ მისი ორიგინალურად გამოყენების გზები.

ქეთევან მერებაშვილი

მუშაობს ქალაქ თბილისის სკოლა-ლიცეუმში „პრომეთე“ გეოგრაფიის მასწავლებლად. წლების განმავლობაში მუშაობდა თიანეთის რაიონში, გეოგრაფიის მასწავლებლისა და დირექტორის პოზიციაზე. უპირატესობას ანიჭებს პროექტებით სწავლებას და ცდილობს მისი გაკვეთილები სახალისო და საინტერესო იყოს მოსწავლეებისათვის. ხშირად იყენებს განსხვავებულ მიდგომებსა და მეთოდებს სწავლებაში, როგორიცაა: საველე-გასვლითი გაკვეთილები, როლური და სამაგიდო თამაშები. მოსწავლეების ჩართულობის გაზრდის მიზნით იყენებს ინტერნეტ რესურსებსაც.

2019 წლის მასწავლებლის ეროვნული ჯილდოს გამარჯვებული სწორედ ამ ხუთი პედაგოგიდან შეირჩევა. მასწავლებლის ეროვნული ჯილდო არის განათლების მხარდაჭერაზე მიმართული საზოგადოებრივი კამპანია, რომელიც მიზნად ისახავს პროფესიის პოპულარიზაციას და პრესტიჟის ზრდას. კამპანია ავლენს წარმატებულ მასწავლებლებს და წარუდგენს მათ ფართო საზოგადოებას.

ორგანიზატორების გადაწყვეტილებით, მიმდინარე წლიდან, საზოგადოების ჩართულობის გაზრდის მიზნით ნებისმიერ ფიზიკურ და იურიდიულ პირს აქვს საშუალება გაიღოს ფულადი შემოწირულობა ჯილდოს საპრიზო ფონდში და მასწავლებლის პროფესიის განვითარებაში თავის წვლილი შეიტანოს.

2017 წლის 19 მარტს, განათლებისა და უნარების გლობალურ ფორუმზე საქართველომ მიიღო მასწავლებელთა გლობალური ჯილდოს აკრედიტაცია. საქართველოს ფორუმზე წარმოადგენდა კოალიცია „განათლება ყველასათვის – საქართველო.“ აკრედიტაციის საფუძველზე, კოალიციის ინიციატივით, მასწავლებელთა პროფესიული განვითარების ეროვნულ ცენტრთან პარტნიორობით, დაიწყო და 2017 წელს პირველად ჩატარდა მასწავლებლის ეროვნული ჯილდო! აღნიშნულს შეუერთდა და მხარს უჭერს საქართველოს განათლებისა და მეცნიერების სამინისტრო. ეროვნულ დონეზე გამარჯვებული ჯილდოს სახით იღებს 10.000 ლარს და ხდება გლობალური ჯილდოს ერთ-ერთი მონაწილე.

პედაგოგებს და პედაგოგობის მსურველებს, რომლებსაც აპელაციის შედეგად შეეცვალათ (მოემატათ ან დააკლდათ) შეფასება, განაცხადის საფუძველზე აპელაციისთვის გადახდილი თანხა უკან დაუბრუნდებათ.

ნაშრომების გასაჩივრებისათვის გადახდილი თანხის დასაბრუნებლად განაცხადები მიიღება 6 სექტემბრიდან 5 ოქტომბრის 18:00 საათამდე:

• ქ. თბილისში – მისამართზე: ე.მინდელის ქ. N9;
• რეგიონებში – საგანმანათლებლო რესურსცენტრებში.

განმცხადებელმა თან უნდა იქონიოს:

• პირადობის დამადასტურებელი დოკუმენტი;
• იმ შემთხვევაში, თუ განმცხადებელი სხვა პირია – წარმომადგენლობის დამადასტურებელი დოკუმენტი.

განაცხადს აუცილებლად უნდა დაერთოს:

• ბანკის მიერ გაცემული საბანკო რეკვიზიტები, სადაც მითითებული იქნება ბანკის კოდი, ანგარიშის ნომერი (22 სიმბოლოსგან შემდგარი ნომერი) და ანგარიშის დასახელება (გვარი, სახელი);
• აპლიკანტის/გადამხდელის პირადობის მოწმობის ასლი;
• ინტერნეტ ბანკინგის საშუალებით თანხის გადახდის შემთხვევაში – შესაბამისი ამონაწერი ან თანხის გადახდის დამადასტურებელი სხვა დოკუმენტი.

განაცხადის ფორმა

იმ შემთხვევაში, თუ აპელაციის საფასური გადახდილია:

• საბანკო დაწესებულებაში ან ინტერნეტ ბანკინგის საშუალებით საფასური დაბრუნდება მხოლოდ გადამხდელის ანგარიშზე;
• გადახდის შესაძლო სხვა საშუალებების გამოყენებით (თვითმომსახურების ტერმინალი, ვებგვერდის გამოყენებით)
• საფასური დაბრუნდება მხოლოდ აპლიკანტის ანგარიშზე.

თანხები თქვენ მიერ მითითებულ ანგარიშებზე ჩაირიცხება განცხადებების მიღების დასრულებიდან ერთი თვის განმავლობაში.

კანონიერმა წარმომადგენელმა უნდა წარმოადგინოს შესაბამისი მინდობილობა და განცხადებაში უნდა შეავსოს როგორც დაინტერესებული პირის, ისე კანონიერი წარმომადგენლის გრაფა და განცხადების ფორმას უნდა დაურთოს თავისი პირადობის მოწმობის ასლი.

პარლამენტში სამთავრობო პროგრამის განხილვა მიმდინარეობს, საკომიტეტო მოსმენაზე თავდაცვის მინისტრობის კანდიდატმა ირაკლი ღარიბაშვილმა განაცხადა, რომ სახელმწიფომ ჯარის პოპულარიზაცია ბაღის ასაკის ბავშვებიდან უნდა დაიწყოს. მისივე თქმით ჯარის საკითხები უნდა ისწავლებოდეს სკოლაშიც და სამინისტროს ამ კუთხით სახელმძღვანელო უკვე შემუშავებული აქვს.

„ჩვენ უნდა შევიდეთ ყველა ოჯახში. ჯარის თემა უნდა შევიდეს ყველა ოჯახში. ამ საკითხის პოპულარიზაცია უნდა დავიწყოთ ბაღიდან, სკოლებიდან. სკოლებში უნდა შევიდეს. მე ვიცი, რომ სამინისტრომ სახელმძღვანელო შეიმუშავა და ძალიან მალე იქნება დასრულებული. მაქსიმალურად უნდა შევძლოთ ეროვნული, პატრიოტული სულისკვეთების ამოწევა და გაღვივება. ეს იქნება ჩემი ერთ-ერთი საზრუნავი”, – განაცხადა ირაკლი ღარიბაშვილმა პარლამენტში სამთავრობო პროგრამის წარდგენისას.

თ.ვ.

2019 წლის სტუდენტთა საგრანტო კონკურსის შედეგები ცნობილია. გთავაზობთ იმ სტუდენტთა სიას, რომლებმაც 2019 წელს მოიპოვეს ან გაიუმჯობესეს სახელმწიფო სასწავლო გრანტი.

სტუდენტთა სიას

ცხრილში მოცემულია აპლიკანტის საგამოცდო ნომერი, აბსოლუტური ქულა, მანამდე არსებული სასწავლო გრანტი. ბოლო გრაფაში კი ასახულია საგრანტო კონკურსის შედეგად მოპოვებული გრანტის ოდენობა.

განახლებადი ინფორმაცია გამოცდების შესახებ

2019 წლის საერთო სამაგისტრო გამოცდის სტატისტიკური ანალიზი ცნობილია.

A ტიპის ტესტი წელს 4334 აპლიკანტმა წერა. ამ ტიპის ტესტში მაქსიმალური ქულა მხოლოდ ერთმა მაგისტრობის მსურველმა აიღო. შეგახსენებთ, რომ ამ ტიპის ტესტს აბარებდნენ საბუნებისმეტყველო მეცნიერებების (გარდა ფიზიკისა), ჯანდაცვის, ჰუმანიტარული, ხელოვნების, აგრარული, განათლებისა და სოციალური მეცნიერებების (გარდა ეკონომიკისა) მიმართულებების მაგისტრანტობის კანდიდატები.

B ტიპის ტესტი წელს 3937 აპლიკანტმა წერა. ამ ტიპის ტესტში მაქსიმალური ქულა 2-მა მაგისტრობის მსურველმა აიღო. შეგახსენებთ, რომ ამ ტიპის ტესტს აბარებდნენ საინჟინრო, მათემატიკის, ფიზიკის, ინფორმაციული ტექნოლოგიებისა და ბიზნესისა და ეკონომიკის მიმართულებების მაგისტრანტობის კანდიდატები.

C ტიპის ტესტი წელს 1966 აპლიკანტმა წერა. ამ ტიპის ტესტში მაქსიმალური ქულა ერთმა მაგისტრობის მსურველმა აიღო. შეგახსენებთ, რომ ამ ტიპის ტესტს აბარებდნენ სამართლის მიმართულების მაგისტრანტობის კანდიდატები.

იხილეთ საერთო სამაგისტრო გამოცდის სტატისტიკური ანალიზი

საგამოცდო ცენტრის ინფორმაციით, წელს საერთო სამაგისტრო გამოცდაში მონაწილეობა მიიღო 10 237 მაგისტრანტობის კანდიდატმა, მინიმალური კომპეტენციის ზღვარი ვერ გადალახა 27,83%-მა, კონკურსში მონაწილეობას აგრძელებს 7388 კანდიდატი.

2019-2020 სასწავლო წლისათვის მასწავლებლის მომზადების საგანმანათლებლო პროგრამაზე ჩარიცხულ პირთა დაფინანსების მოცულობა და ოდენობა განისაზღვრა.

2019-2020 სასწავლო წლისათვის მასწავლებლის მომზადების საგანმანათლებლო პროგრამაზე ჩარიცხულ პირებზე გასაცემი სახელმწიფო სასწავლო გრანტის წლიური მოცულობა 1,845,000 ლარი იქნება.

მასწავლებლის მომზადების 60-კრედიტიან საგანმანათლებლო პროგრამაზე ჩარიცხულ პირზე გასაცემი სახელმწიფო სასწავლო გრანტის მაქსიმალური ოდენობა (შემდგომში – სახელმწიფო სასწავლო გრანტის ოდენობა) განისაზღვრა პროგრამის მოდულების შესაბამისად შემდეგი ოდენობების მიხედვით:

“თუ მასწავლებლის მომზადების საგანმანათლებლო პროგრამაზე კერძო სამართლის იურიდიული პირის – უმაღლესი საგანმანათლებლო დაწესებულების მიერ დადგენილი სწავლის საფასური აღემატება შესაბამისი სახელმწიფო სასწავლო გრანტის ოდენობას, სახელმწიფო მასწავლებლის მომზადების საგანმანათლებლო პროგრამაზე ჩარიცხული პირის სწავლის საფასურს დაფარავს მხოლოდ შესაბამისი სახელმწიფო სასწავლო გრანტის ოდენობის ფარგლებში.

თუ მასწავლებლის მომზადების საგანმანათლებლო პროგრამაზე უმაღლესი საგანმანათლებლო დაწესებულების მიერ დადგენილი სწავლის საფასური ნაკლებია შესაბამის სახელმწიფო სასწავლო გრანტის ოდენობაზე, სახელმწიფო სასწავლო გრანტის ოდენობა გაუტოლდება მასწავლებლის მომზადების საგანმანათლებლო პროგრამის საფასურს”, – ვკითხულობთ დადგენილებაში, რომელსაც ხელს გიორგი გახარია აწერს.

ამავე თემაზე:

რომელ უნივერსიტეტებში და როდიდან განხორციელდება წელს მასწავლებლის 60-კრედიტიანი პროგრამა

30/08/2019 – 05/09/2019

EDU.ARIS.GE
For professional use

Pilot edition

Preschool Education

The 2019-2020 educational years will start in Tbilisi nursery institutions on September 16.

§

The potential Prime Minister of Georgia Giorgi Gakharia in his government program has stated that “the fundamental reform of education starts at the preschool level. The nursery institutions will be transformed into preschool education institutions where the national quality standards of education will be introduced…” The reform will also cover the issues of the inclusive education, safe environment, infrastructure development and staff training, attraction of new personnel and so on.

General Education

§

Last week, schools were interviewing job applicants. Many schools have problems with filling vacancies before the start of the school year. According to the education officials, about 6,000 teachers have left schools in the frames of the so-called award program and the general education is facing a challenge of recruiting new staff. The interviews should also be attended by the representatives of the National Center for Teacher Professional Development. The statements made on social networks confirm that at some schools this process was conducted with civil and practical approaches but in many cases it lacked transparency and objectivity, and moreover was unfriendly and nepotic.

The answers to the questions of how schools have coped with this challenge and what is the diagnosis, are still unknown, but the issue really requires assessment.

§

On August 30, the Legal Issues Committee of the Parliament of Georgia discussed the legislative changes that would regulate transportation of school children by car during field trips.

Changes are also planned in the Code of Administrative Offenses, according to which violations of the rule of safe transportation of students by the driver to a school event will be subjected to penalties.

Also, the Ministry of Education, Science, Culture and Sports should draft the rules for safe transportation of children to a school event by November 1, 2019 and ensure its approval.

§

The new government program, presented by the potential Prime Minister of Georgia to the Parliament, provides for that on the general education level “the focus will be made on preparing students for future life and building a democratic society”. The program describes the “new school model” and its objectives: “Development of school culture and support of school teachers will be provided at schools”. The new school model also covers enhancing the quality and scale of inclusive education in schools; development of school infrastructure; teachers’ professional growth and rise in their salaries.

§

At the committee hearing in the Parliament of Georgia the potential Minister of Education, Science, Culture and Sport of Georgia Mikheil Batiashvili talked about the planned changes to the textbooks: “We will have new initiatives that will radically change and improve the quality of textbooks. The whole summer through we were in intensive consultations with representatives of the field, working on a new form of approval, and the changes we offer will have a positive impact on each school and the quality of each textbook”.

The need for change in this area has become imminent for a long time. To make the said summer processes more transparent to the public, this statement should have more grounds. So far, this summer has been associated with the obscure and question-making process of Iakob Gogebashvili’s “Deda Ena” revision.

§

From the 2019-2020 school years, the resource officers will present at 41 more public schools in the regions. At the beginning of the school year, a total of 527 schools across Georgia will have resource officers. By the end of the school year, this number will increase by 61 more public schools;

Vocational Education

§

The government program presented by the potential Prime Minister Giorgi Gakharia in the Parliament of Georgia sets the following benchmarks of the vocational education in the government program:

Rapid and effective training of human resources tailored to the needs of the labor market; receiving general education in parallel to the studies, as a prerequisite for continuing education; implementation of “short cycle” programs, which is an international commitment of our country; priority of the Entrepreneurial Education; availability of vocational training and retraining for the adults; introduction of informal education recognition mechanisms; upgrading of vocational education quality improvement tools; teachers’ professional growth.
However, the program says nothing about the need to increase and promote the attractiveness of vocational education.

Higher Education

§

According to the results of the 2019 Unified National Exams, 28,740 entrants will become students after completing the relevant procedure – registration in the higher education imitations. The number of the entrants makes 71% of the total number of applicants for exams.

According to the results of the Unified National Exams, total 6,546 students have received state grants this year, where 1,011 students with 100 % grant, 1,452 students with 70% grant, 4,083 – with 50% grant. 4,777 students were enrolled in state-funded programs, 1,335 – in Georgian language training programs.

The highest competition this year was in the areas of business administration, law and diplomacy and medicine.

§

The Government of Georgia has allocated 2,520,000 GEL for funding social programs in higher education institutions for the 2019-2020 academic years. The grant is designed for those who study on the programs which are accredited based on the Unified National Exams.

The information of who will be the grantee and under what conditions is provided in Resolution N 401 of the Government of Georgia adopted on August 20, 2019.

Other News

§

Last week, the National Assessment and Examinations Center itself faced the assessment process. The Minister of Education, Science, Culture and Sport evaluated the work done by the staff of the Center as successful, improved qualitatively; he thanked them and reminded of the November exams.

Public opinion on the activities of the Center is diverse. The Center’s decision to lower the barrier for the first variant of the Georgian Language and Literature Exam from 18 to 9 points and the Center representative’s “substantiation” of this decision have prompted negative reviews and outrage in social networks and the media. Of courses, the responsibility for the complexity of the test compared with the other variants lies with the center, but if the entrant fails to understand the rubric properly, it shall be his or her responsibility. Anyway, talking about a quality, objective examination process is not credible in this situation.

§

With the resignation of Georgian Prime Minister Mamuka Bakhtadze, the Government is also automatically dismissed. Consequently, the process of gaining the confidence by the new government has begun in the Parliament of Georgia and shall finish by a final vote on September 8. The potential Prime Minister Giorgi Gakharia presented the new cabinet and the government program for 2019-2020 to the Parliament. Mikheil Batiashvili is again nominated for the post of Minister of Education, Science, Culture and Sport. In his turn, Mikhail Batiashvili presented his report and the program to the parliamentary committees and by voting for a single candidate gained the committees’ confidence.

§

Mariam Jashi, the chairwoman of the Parliamentary Committee for Education and Science, stated with regard to the Ministry of Education, Science, Culture and Sport that “if the position is discussed at the government level, I will support the separation of the cultural sphere from the united ministry”. She said that last year, when the issue of integration of the ministries had been discussed, she had opposed such integration because she foresaw future hindrances.

It seems that the United Ministry is pending the fate of the retired Prime Minister.

[6-09.2019-GE] – საგანმანათლებლო ამბების ყოველკვირეული მიმოხილვა (ქართულად)

30/08/2019 – 05/09/2019

EDU.ARIS.GE
პროფესიული გამოყენებისათვის

საპილოტე გამოშვება

სკოლამდელი განათლება

თბილისის საბავშვო ბაგა-ბაღებში 2019-2020 სააღმზრდელო წელი 16 სექტემბერს დაიწყება.

§

პრემიერ მინისტრობის კანდიდატ გიორგი გახარიას სამთავრობო პროგრამაში გაცხადებულია, რომ ,,განათლების ფუნდამენტური რეფორმა სკოლამდელი განათლების დონეზე იწყება. სკოლამდელი აღზრდის დაწესებულებები გარდაიქმნება სკოლამდელი განათლების დაწესებულებებად და დაიწყება განათლების ხარისხის სახელმწიფო სტანდარტების დანერგვა…“ ასევე, საუბარია ამ საფეხურზე ინკლუზიურ განათლების, უსაფრთხო გარემოს, ინფრასტრუქტურის განვითარებასა და კადრების მომზადება-გადამზადებაზე, ახალი კადრების მოზიდვაზე და ასე შემდეგ;

ზოგადი განათლება

§

გასულ კვირაში სკოლებში მიმდინარეობდა გასაუბრებები ვაკანსიების დაკავების მსურველებთან.
სასწავლო წლის დაწყებამდე ბევრ სკოლას ვაკანსიის შევსების პრობლემა აქვს. როგორც განათლების სისტემაში აცხადებენ, ეგრეთწოდებული, ჯილდოს პროგრამით, სკოლა 6 000-მდე პედაგოგმა დატოვა და დადგა ახალი კადრით შევსების საკითხი. გასაუბრებას მასწავლებელთა პროფესიული განვითარების ეროვნული ცენტრის წარმომადგენლებიც უნდა დასწრებოდნენ. სოციალურ ქსელებში გაკეთებული განაცხადები ადასტურებს, რომ თუ ზოგიერთისთვის ეს პროცესი ცივილურად და საქმიანად წარიმართა, ბევრგან მას აკლდა გამჭვირვალობა და ობიექტურობა, მეტიც ახასიათებდა არაკეთილგანწყობა, ნეპოტიზმი.

კითხვაზე, როგორ გაართვეს სკოლებმა თავი ამ გამოწვევას, როგორია შეფასებები? – პასუხები ჯერ უცნობია, მაგრამ საკითხი ნამდვილად საჭიროებს შეფასებას.

§

30 აგვისტოს საქართველოს პარლამენტის იურიდიულ საკითხთა კომიტეტში განიხილებოდა საკანონმდებლო ცვლილებები, რომელიც ექსკურსიების დროს სკოლის მოსწავლეთა ავტოსატრანსპორტო საშუალებით გადაადგილების საკითხებს დაარეგულირებს.

ცვლილებები იგეგმება ,,ადმინისტრაციულ სამართალდარღვევათა კოდექსშიც“, რომლის მიხედვითაც სასკოლო ღონისძიებაზე მძღოლის მიერ მოსწავლეთა უსაფრთხო გადაყვანის წესის დარღვევას ჯარიმებს შეუსაბამებენ.

ასევე, განათლების, მეცნიერების, კულტურისა და სპორტის სამინისტრომ 2019 წლის 1-ლ ნოემბრამდე უნდა შეიმუშაოს სასკოლო ღონისძიებისას მოსწავლეთა უსაფრთხო გადაყვანის წესი და უზრუნველყოს მისი დამტკიცება.

§

ახალი სამთავრობო პროგრამა, რომელიც პრემიერ-მინისტრობის კანდიდატმა პარლამენტს წარუდგინა, გვპირდება, რომ ზოგადი განათლების საფეხურზე ,,ორიენტირი იქნება მოსწავლეების მომავალი ცხოვრებისა და დემოკრატიული საზოგადოების მშენებლობისათვის მომზადება.“ პროგრამაში საუბარია ,,ახალი სკოლის მოდელზე“ და მის მიზნებზე: ,,სკოლებში მოხდება სასკოლო კულტურის განვითარებისა და პედაგოგთა ადგილზე გაძლიერების მხარდაჭერა“; საუბარია სკოლებში ინკლუზიური განათლების ხარისხისა და მასშტაბების გაძლიერებაზე; სკოლების ინფრასტრუქტურის განვითარებაზე; პედაგოგთა პროფესიულ ზრდასა და ანაზღაურების ზრდაზე.

§

საქართველოს პარლამენტში გამართულ საკომიტეტო მოსმენაზე განათლების, მეცნიერების, კულტურისა და სპორტის მინისტრობის კანდიდატმა მიხეილ ბატიაშვილმა. სახელმძღვანელოების გრიფირებასთან დაკავშირებით დაგეგმილ სიახლეებზეც ისაუბრა: ,,გვექნება ახალი ინიციატივები, რაც რადიკალურად შეცვლის და გააუმჯობესებს სახელმძღვანელოების ხარისხს. ჩვენ მთელი ზაფხული ძალიან ინტენსიურ კონსულტაციებს ვაწარმოებდით ამ სფეროს წარმომადგენლებთან, ვმუშაობდით გრიფირების ახალ წესზე და ეს ცვლილებები, რასაც შემოგთავაზებთ, დადებითად აისახება თითოეული სკოლაზე და თითოეული სახელმძღვანელოს ხარისხზე.“

ამ მიმართებით ცვლილების საჭიროება დიდი ხანია იკვეთება. ხსენებული ზაფხულის პროცესები უფრო გამჭვირვალე რომ ყოფილიყო საზოგადოებისთვის, ეს განაცხადიც მეტ ნდობას აღძრავდა. ჯერჯერობით კი, ამ ზაფხულს იაკობ გოგებაშვილის ,,დედაენის“ გადამუშავების ბუნდოვან და კითხვების სავსე პროცესთან ასოცირებას იწვევს.

§

2019-2020 სასწავლო წლიდან მანდატურის სამსახური რეგიონების კიდევ 41 საჯარო სკოლას მოემსახურება. სასწავლო წლის დასაწყისში, საქართველოს მასშტაბით, სულ 527 სკოლა ისარგებლებს მანდატურის სამსახურით. სასწავლო წლის ბოლომდე, მათ კიდევ 61 საჯარო სკოლა შეემატება;

პროფესიული განათლება

§

საქართველოს პარლამენტში პრემიერ-მინისტრობის კანდიდატ გიორგი გახარიას მიერ წარდგენილ სამთავრობო პროგრამაში პროფესიული განათლების მიმართულებით ძირითად ორიენტირებად დასახელებულია:

შრომის ბაზრის საჭიროებებზე მორგებული ადამიანური რესურსის სწრაფი და ეფექტური მომზადება; პროფესიის შესწავლის პარალელურად, ზოგადი განათლების მიღება, როგორც უწყვეტი განათლების რეალიზების წინაპირობა; ,,მოკლე ციკლის“ პროგრამების განხორციელება, რაც ჩვენი ქვეყნის საერთაშორისო ვალდებულებას წარმოადგენს. ,,სამეწარმეო განათლების“ პრიორიტეტულობა; ზრდასრულთა პროფესიული მომზადება-გადამზადების ხელმისაწვდომობა; არაფორმალური განათლების აღიარების მექანიზმების დანერგვა; პროფესიული განათლების ხარისხის განვითარების ინსტრუმენტების განახლება, პედაგოგთა პროფესიული ზრდაზე ზრუნვა;

თუმცა პროგრამაში არაფერია ნათქვამი, ისეთ საწყის საჭიროებაზე, როგორიც პროფესიული განათლების მიმზიდველობის ზრდა და მისი პოპულარიზაციაა.

უმაღლესი განათლება

§

2019 წლის ერთიანი ეროვნული გამოცდების შედეგებით 28 740 აბიტურიენტი, შესაბამისი პროცედურის – უმაღლეს სასწავლებელში რეგისტრაციის – გავლის შემდეგ სტუდენტი გახდება. აბიტურიენტთა ეს რიცხვი გამოცდაზე დარეგისტრირებულთა 71%-ს შეადგენს.

წელს ერთიანი ეროვნული გამოცდების შედეგებით სახელმწიფო გრანტი სულ 6 546 სტუდენტმა მოიპოვა, მათ შორის, 100-პროცენტიანი დაფინანსება მიიღო 1 011-მა, 70-პროცენტიანი – 1 452-მა, ხოლო 50-პროცენტიანი – 4 083-მა.

სახელმწიფოს დაფინანსებულ პროგრამებზე ჩაირიცხა 4 777 სტუდენტი, ქართულ ენაში მომზადების პროგრამებზე _1 335.

წელს ყველაზე მაღალი კონკურენცია ბიზნესის ადმინისტრირების, სამართლისა და დიპლომატიური მედიკოსის მიმართულებებზე იყო.

§

საქართველოს მთავრობამ 2019-2020 სასწავლო წლისთვის უმაღლესი საგანმანათლებლო დაწესებულებებში სოციალური პროგრამის დაფინანსებისთვის 2 520 000 ლარი გამოყო. გრანტი გათვალისწინებულია მათთვის, რომელმაც ერთიანი ეროვნული გამოცდების საფუძველზე აკრედიტებულ პროგრამებზე სწავლობს;

ვინ იქნება გრანტის მიმღები და რა გარემოებების შესაბამისად? – ამის შესახებ ინფორმაცია მოცემულია 2019 წლის 20 აგვისტოს მიღებულ საქართველოს მთავრობის დადგენილება N401-ში.

სხვა ამბები

§

შეფასებისა და გამოცდების ეროვნულ ცენტრს გასულ კვირას თავად დაუდგა შეფასების ეტაპი. განათლების, მეცნიერების, კულტურისა და სპორტის მინისტრმა წარმატებულად, ხარისხობრივად გაუმჯობესებულად შეაფასა ცენტრის თანამშრომლების მიერ გაწეული მუშაობა, მადლობა გადაუხადა მათ და ნოემბრის გამოცდებიც შეახსენა.

ცენტრის საქმიანობის მიმართ განსხვავებული იყო საზოგადოებრივი აზრი. სოციალურ ქსელებში, მედიაში უარყოფითი შეფასებები და აღშფოთებაც კი გამოიწვია ცენტრის გადაწყვეტილებამ ქართული ენისა და ლიტერატურის გამოცდის პირველ ვარიანტისთვის ბარიერის 18-დან 9 ქულამდე დაწევის შესახებ და ცენტრის წარმომადგენლის მხრიდან ამ გადაწყვეტილების ,,დასაბუთებამ“. ტესტის სირთულეზე სხვა ვარიანტებთან შეფარდებით, პასუხისმგებლობა, რა თქმა უნდა, ცენტრს ეკისრება, მაგრამ თუ აბიტურიენტი სწორად ვერ იგებს პირობას, აქ უკვე მისი პასუხისმგებლობა იკვეთება. ასეა თუ ისე, ამ სიტუაციაში ხარისხიან, ობიექტურ საგამოცდო პროცესზე საუბარი სარწმუნოდ არ აღიქმება.

§

საქართველოს პრემიერ-მინისტრის მამუკა ბახტაძის გადადგომისთანავე ავტომატურად მთავრობაც გადაყენებულად ითვლება. ამის გამო, საქართველოს პარლამენტში დაიწყო ახალი მთავრობის ნდობის მოპოვების პროცესი, რომელიც 8 სექტემბერს საბოლოო კენჭისყრით უნდა დასრულდეს. პრემიერ-მინისტრობის კანდიდატმა გიორგი გახარიამ პარლამენტს წარუდგინა ახალი მინისტრთა კაბინეტი და 2019-2020 წლების სამთავრობო პროგრამა. განათლების, მეცნიერების, კულტურისა და სპორტის მინისტრის პოსტზე კვლავ მიხეილ ბატიაშვილია წარდგენილი. თავის მხრივ, მიხეილ ბატიაშვილმა პარლამენტის დარგობრივი კომისიების წინაშე წარადგინა თავისი ანგარიშიც და პროგრამაც და ინდივიდუალური კენჭისყრით, კომიტეტების ნდობაც მოიპოვა.

§

საქართველოს პარლამენტის განათლებისა და მეცნიერების კომიტეტის თავმჯდომარემ მარიამ ჯაშმა განათლების, მეცნიერების, კულტურისა და სპორტის სამინისტროსთან დაკავშირებით, განაცხადა, რომ თუ ,,სამთავრობო დონეზე მოხდება პოზიციის შეჯერება, მე მხოლოდ ხელს შევუწყობ კულტურის სფეროს გამოყოფას გაერთიანებული უწყებიდან“. მისი თქმით, შარშანვე, როცა სამინისტროების გაერთიანების გადაწყვეტილებას იღებდნენ, ის წინააღმდეგი იყო ასეთი ინტეგრაციის, რადგან ხედავდა მოსალოდნელ ბარიერებს.

როგორც ჩანს, ,,გაერთიანებული სამინისტრო“ გადამდგარი პრემიერ-მინისტრის ეპოქას გაჰყვება.

[6-09.2019-EN] Weekly overview of educational affairs in Georgia (in English)

გრიგოლ რობაქიძის უნივერსიტეტს საფრანგეთთან მრავალწლიანი კულტურულ-საგანმანათლებლო საქმიანობა აკავშირებს.

სტუდენტების მიერ ფრანგული ენის გაძლიერებული სწავლება; ფრანკოფონი სტუდენტების რაოდენობის გაზრდა; ინოვაციური სწავლების მეთოდების პრაქტიკაში დანერგვა; საერთაშორისო და ლოკალური ინტეგრირება; აკადემიური და პროფესიული უნარების გაძლიერება – ეს ის საკითხებია, რომლებზეც გრიგოლ რობაქიძის უნივერსიტეტი საქართველოში საფრანგეთის საელჩოსა და საქართველოს ფრანგულ ინსტიტუტთან ერთად მუშაობს.

ამ თანამშრომლობის ფარგლებში შეირჩა და Sciences Po Rennes-ის უნივერსიტეტში (სიანს პო რენში) ერთსემესტრიანი სასწავლო სტიპენდია მოიპოვა გრიგოლ რობაქიძის უნივერსიტეტის სამართლის სკოლის წარჩინებულმა სტუდენტმა მარიამ ზარქუამ.

სტიპენდიატმა აღნიშნულ სასწავლებელში წარადგინა პროექტი „ლტოლვილთა პრობლემები საქართველოსა და საფრანგეთში“, რომელმაც საკონკურსო კომისიის მოწონება დაიმსახურა. მარიამ ზარქუა ინტენსიურად სწავლობს ფრანგულ ენას უნივერსიტეტში, აქვს მაღალი აკადემიური მოსწრება, მან ასევე წარმატებით გაიარა გასაუბრება საფრანგეთის საელჩოში.

გრიგოლ რობაქიძის უნივერსიტეტი ულოცავს და წარმატებულ სწავლას უსურვებს მარიამ ზარქუას საფრანგეთში.

2019 წლისთვის კსუ-ში მაგისტრატურის შიდა გამოცდების ჩატარების ვადები ცნობილია.

გამოცდები ჩატარდება შესაბამის ფაკულტეტებზე:

• სამართალი – 10 სექტემბერი, 19 საათი;
• საერთაშორისო ბიზნესის მენეჯმენტი, საერთაშორისო მარკეტინგი – 10 სექტემბერი, 18 საათი;
• საერთაშორისო ურთიერთობები და საერთაშორისო უსაფრთხოება – 10 და 11 სექტემბერი, 13 და 19 საათი;
• მედიის კვლევები და მულტიმედია წარმოება- 11 სექტემბერი, 13 საათი;
• ქართული მევენახეობა-მეღვინეობა – 11 სექტემბერი, 18 საათი.